ORDE do 12 de decembro de 2012 pola que se procede ao nomeamento como funcionarios do corpo facultativo de grao medio da Xunta de Galicia, subgrupo A2, escala de arquitectos técnicos, dos aspirantes que superaron o proceso selectivo convocado pola Orde do 27 de xullo de 2011.
| Sección | IV. Oposicións e Concursos |
| Emisor | CONSELLERÍA DE FACENDA |
| Rango de Ley | Orde |
Unha vez rematado o proceso selectivo para o ingreso no corpo facultativo de grao medio da Xunta de Galicia, subgrupo A2, escala de arquitectos técnicos, convocado pola Orde da Consellería de Facenda do 27 de xullo de 2011 (DOG núm. 144, do 28 de xullo), e realizado o acto de elección de destino previsto na Orde do 28 de novembro de 2012 (DOG núm. 232, do 5 de decembro), esta consellería, de conformidade co disposto no Decreto lexislativo 1/2008, do 13 de marzo, polo que se aproba o texto refundido da Lei da función pública de Galicia, e demais normas concordantes,
DISPÓN:
Nomear funcionarios do corpo facultativo de grao medio da Xunta de Galicia, subgrupo A2, escala de arquitectos técnicos, os aspirantes aprobados que se relacionan no anexo desta orde, ordenados de acordo coa puntuación final obtida, e adxudicarlles como destinos provisionais os que figuran no mesmo anexo, de acordo co acto de elección de destino que tivo lugar o día 12 de decembro de 2012.
Para adquiriren a condición de funcionarios/as, as persoas a que se refire o anexo desta orde deberán cumprir os requisitos exixidos no artigo 47 do Decreto lexislativo 1/2008, do 13 de marzo, polo que se aproba o texto refundido da Lei da función pública de Galicia, e tomar posesión do correspondente posto de traballo no prazo dun mes, que comezará a computar a partir do día seguinte ao da publicación desta orde no Diario Oficial de Galicia.
Contra esta orde, que pon fin á vía administrativa, poderase interpor, con carácter potestativo, recurso de reposición ante a conselleira de Facenda no prazo dun mes contado desde o día seguinte ao da súa publicación, ou directamente recurso contencioso-administrativo, no prazo de dous meses contados desde esa mesma data, ante a Sala do Contencioso-Administrativo do Tribunal Superior de Xustiza de Galicia, conforme o disposto na Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 12 de decembro de 2012
Elena Muñoz FonterizConselleira de Facenda
ANEXO
| Núm. | Apelidos e nome | DNI | Posto elixido | Código do posto | Consellería | Denominación | Nivel | Centro de destino | Centro |
Para continuar leyendo
Solicita tu prueba