Orde do 20 de abril de 2005 pola que se convoca a fase de provisión do proceso extraordinario de consolidación de emprego da categoría de ATS/DUE.

DOGA. Diario Oficial de Galicia (en gallego) núm 80, Mércores 27 de Abril de 2005 › IV. Oposicións e Concursos › CONSELLERÍA DE SANIDADE

Enlazado como:

Extracto

Orde do 20 de abril de 2005 pola que se convoca a fase de provisión do proceso extraordinario de consolidación de emprego da categoría de ATS/DUE.

A base décimo segunda da Orde do 29 de xullo de 2002 (DOG nº 168, do 2 de setembro), pola que se convoca proceso extraordinario de consolidación de emprego para a selección e provisión de prazas de persoal estatutario das institucións sanitarias dependentes do Servizo Galego de Saúde da categoría de ATS/DUE establece que, rematada a fase de selección, se iniciará a fase de provisión.

Rematada xa a fase de selección da categoría de ATS/DUE convocada pola orde antes citada, procede agora convocar a súa fase de provisión, polo que esta consellería

DISPÓN:

Artigo 1º

Publicar a convocatoria da fase de provisión do proceso extraordinario de consolidación de emprego da categoría de ATS/DUE convocada pola Orde do 29 de xullo de 2002 (DOG nº 168, do 2 de setembro), así como aprobar as bases e baremo de méritos que rexerán a convocatoria, contidos respectivamente nos anexos I e II desta orde.

Artigo 2º

1. Esta convocatoria e as súas bases vinculan a Administración, os tribunais encargados de xulgar o proceso e os que participen nel.

2. Contra esta orde, que pon fin á vía administrativa, poderá interpoñerse recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados a partir da súa publicación no Diario Oficial de Galicia. Potestativamente, no prazo dun mes poderá interpoñerse recurso de reposición ante esta consellería.

3. Así mesmo, cantos actos administrativos sexan producidos polos tribunais ou pola División de Recursos Humanos do Servizo Galego de Saúde poderán ser impugnados polos interesados de acordo co establecido na Lei 30/1992, do 26 de novembro, de réxime xurídico das administracións públicas e do procedemento administrativo común.

4. Igualmente, a Administración poderá, se é o caso, proceder á revisión das resolucións dos tribunais, conforme o previsto nas leis.

5. Os recursos contencioso-administrativos que se interpoñan contra esta convocatoria e sucesivos actos do proceso serán anunciados no Diario Oficial de Galicia para os efectos de citación aos posibles interesad...

Ver o contido completo deste documento

Enlaces patrocinados