Orde do 27 de decembro de 2010 pola que se convoca o proceso selectivo para o ingreso, pola quenda de promoción interna e cambio de categoría, na categoría 31 (legoeiro/a) do grupo IV de persoal laboral fixo da Xunta de Galicia.

Extracto

---

Orde do 27 de decembro de 2010 pola que se convoca o proceso selectivo para o ingreso, pola quenda de promoción interna e cambio de categoría, na categoría 31 (legoeiro/a) do grupo IV de persoal laboral fixo da Xunta de Galicia.

De conformidade co establecido no Decreto 88/2008, do 30 de abril, polo que se aproba a oferta de emprego público correspondente a prazas de persoal funcionario e laboral da Administración da Comunidade Autónoma de Galicia para o ano 2008, esta consellería, no uso das competencias que lle atribúe o artigo 10 do V Convenio colectivo único para o persoal laboral da Xunta de Galicia,

DISPÓN:

Convocar o proceso selectivo para o ingreso, pola quenda de promoción interna e cambio de categoría, na categoría 31 (legoeiro/a) do grupo IV de persoal laboral fixo da Xunta de Galicia, con suxeición ás seguintes bases da convocatoria.

I. Normas xerais.

I.1. O obxecto do proceso selectivo será a cobertura de vinte e oito (28) prazas para a categoría 31 (legoeiro/a) do grupo IV de persoal laboral fixo da Xunta de Galicia polo sistema de promoción interna e cambio de categoría, polo procedemento de concurso-oposición.

O proceso selectivo constará, polo tanto, dunha fase de oposición e outra fase de concurso.

I.1.1. De conformidade coa disposición adicional sétima do Decreto lexislativo 1/2008, do 13 de marzo, polo que se aproba o texto refundido da Lei da función pública de Galicia, e co decreto 88/2008, do 30 de abril, polo que se aproba a oferta de emprego público correspondente a prazas de persoal funcionario e laboral da Administración da Comunidade Autónoma de Galicia para o ano 2008, do total de prazas reservaranse dúas (2) prazas do sistema de acceso libre para seren cubertas por persoas con discapacidade cun grao de minusvalidez igual ou superior ao 33%.

No suposto de que as prazas cubertas por persoas con discapacidade acaden a taxa do 3% das prazas convocadas, as prazas non cubertas pasarán a integrarse ás restantes prazas de acceso xeral.

No suposto de que as ditas prazas cubertas non acaden a taxa do 3% das prazas convocadas, as prazas non cubertas acumularanse á cota do 7% da oferta seguinte, cun límite máximo do 12%.

Así mesmo, no suposto de que algún aspirante con minusvalidez que se presente pola co...

Ver o contido completo deste documento

---