Resolución do 27 de abril de 2010 pola que se convocan probas selectivas para o ingreso por quenda libre na escala auxiliar da Universidade da Coruña.

Extracto

---

Resolución do 27 de abril de 2010 pola que se convocan probas selectivas para o ingreso por quenda libre na escala auxiliar da Universidade da Coruña.

Para cumprir o que dispoñen os estatutos da Universidade da Coruña, aprobados polo Decreto 101/2004, do 13 de maio, e modificados polo Decreto 194/2007, do 11 de outubro, e co obxecto de atender as necesidades de persoal de administración e servizos, esta reitoría, en uso das competencias que lle están atribuídas, resolve convocar as probas selectivas para o ingreso por quenda libre na escala auxiliar da Universidade da Coruña, subgrupo C2, con suxeición ás seguintes bases da convocatoria:

1. Normas xerais.

1.1. Convócanse probas selectivas para cubrir 30 prazas da escala auxiliar, subgrupo C2.

Do total de prazas que se convocan reservarase un 7% para seren cubertas por persoas con discapacidade con grao de minusvalidez igual ou superior ao 33%, de acordo co que establece a disposición adicional sétima do Decreto lexislativo 1/2008, do 13 de marzo, polo que se aproba o texto refundido da Lei da función pública de Galicia. Esta cota de reserva ascende a 3 prazas. No suposto de que estas prazas non sexan cubertas, excluiranse da cota de reserva e pasarán a acumularse ás restantes prazas correspondentes á quenda de acceso libre.

Así mesmo, no suposto de que algún aspirante con minusvalidez que se presentar pola cota de reserva de persoas con discapacidade superase os exercicios correspondentes mais non obtivese praza e a súa puntuación fose superior á obtida por outros aspirantes do sistema de acceso xeral, será incluído pola súa orde de puntuación no sistema de acceso xeral.

1.2. O proceso selectivo constará de dú...

Ver o contido completo deste documento

---