Decreto 237/2006, do 21 de decembro, polo que se aproba a oferta de emprego público para o ano 2006 do persoal sanitario funcionario ao servizo da comunidade autónoma incluído no ámbito de aplicación da Lei 17/1989, do 23 de outubro.
| Sección | III. Outras Disposicións |
| Emisor | CONSELLERÍA DE SANIDADE |
| Rango de Ley | Decreto |
O dereito transitorio da Lei 17/1989, do 23 de outubro, de creación de escalas do persoal sanitario ao servizo da comunidade autónoma, prevé a realización de tres procesos selectivos para o acceso á condición de persoal sanitario funcionario incluído no seu ámbito de aplicación.
Polo Decreto 202/2005, do 7 de xullo, publicado no DOG nº 141, do 22 de xullo, créase a clase de farmacéuticos inspectores de saúde pública, dentro do corpo facultativo superior da Xunta de Galicia, escala de saúde pública e Administración sanitaria, delimítanse as súas funcións, o ámbito territorial de actuación, determínase o seu réxime xurídico, retributivo e de incompatibilidades, e fíxanse as condicións para a integración nesta nova clase dos actuais farmacéuticos titulares.
Na súa disposición transitoria sexta disponse que, realizada a incorporación efectiva aos postos de traballo resultantes da reestruturación, procederase á convocatoria da primeira das ofertas públicas de emprego a que se refiren as disposicións transitorias primeira e segunda da Lei 17/1989, do 23 de outubro.
Na convocatoria do concurso-oposición da primeira oferta pública de emprego, na valoración dos servizos incluiranse aqueles efectivamente prestados como persoal interino das clases a que se fai mención na disposición transitoria terceira do devandito decreto, con independencia de que o seu réxime xurídico e retributivo fose distinto ao dos postos de traballo incluídos na presente oferta de emprego.
En consecuencia, por proposta da conselleira de Sanidade, consultada a representación sindical no seo da Mesa Sectorial de Negociación do Persoal Sanitario ao Servizo da Comunidade Autónoma e logo de deliberación do Consello da Xunta de Galicia na súa reunión do día vinte e un de decembro de dous mil seis,
DISPOÑO:
De conformidade co disposto no artigo 29.6º da Lei 4/1988, do 26 de maio, da función pública de Galicia, modificada pola Lei 3/1995, do 10 de abril, apróbase a oferta de emprego público para o ano 2006 do persoal sanitario funcionario ao servizo da comunidade autónoma incluído no ámbito de apli-
cación da Lei 17/1989, do 23 de outubro, na clase de farmacéuticos inspectores de saúde pública.
Nesta oferta de emprego público inclúense as necesidades de...
Para continuar leyendo
Solicita tu prueba