Decreto 337/2009, do 11 de xuño, polo que se desenvolve a estrutura orgánica da Consellería de Cultura e Turismo.
| Sección | I. Disposicións Xerais |
| Emisor | CONSELLERÍA DE CULTURA E TURISMO |
| Rango de Ley | Decreto |
O Decreto 79/2009, do 19 de abril, estableceu a nova estrutura orgánica do Goberno de Galicia, con adecuación ás competencias que ten asumidas e son propias da comunidade autónoma, e tendo en conta os criterios de eficacia, austeridade e economía que deben inspirar a actuación e a organización administrativa. Pola súa banda, o Decreto 83/2009, do 21 de abril, fixou a estrutura orgánica dos departamentos da Xunta de Galicia.
A Consellería de Cultura e Turismo é o órgano da Administración da Comunidade Autónoma de Galicia ao que lle corresponden as competencias en materia de creación e difusión cultural, patrimonio cultural, os aspectos vinculados á protección do patrimonio cultural da cidade e dos camiños de Santiago, e a promoción e ordenación do turismo dentro da comunidade.
Estas competencias véñenlle asignadas en virtude do establecido na Lei orgánica 1/1981, do 6 de abril, pola que se aproba o Estatuto de autonomía para Galicia. En concreto, o artigo 32 recolle os principios de defensa e promoción dos valores culturais do pobo galego, que se concretan nos seguintes puntos:
-
A protección dos camiños de Santiago.
-
O fomento e promoción da cultura, a contribución ao desenvolvemento do libro, a colaboración na promoción da plástica, a danza, a música e as artes líricas e coreográficas.
-
A protección do patrimonio histórico, artístico, arquitectónico, arqueolóxico, paleontolóxico, etnolóxico e documental, así como dos arquivos, bibliotecas e museos de interese de Galicia.
-
A promoción e a ordenación do turismo dentro da comunidade.
Pola súa banda, o Decreto 245/2009, do 30 de abril, regulou a estrutura orgánica, o ambito territorial e as competencias das delegacións territoriais da Xunta de Galicia, nas que se integran os órganos, unidades e servizos da Administración periférica autonómica. Neste sentido procede reformular a estrutura dos órganos periféricos dependentes da Consellería de Cultura e Turismo, con estrita suxeición ao establecido no citado decreto coa finalidade de evitar a duplicidade de funcións e de acordo cos principios de racionalidade, eficiencia e austeridade plasmados na dita norma.
Procede, xa que logo, o desenvolvemento da súa estrutura orgánica básica ata o nivel de xefatura de servizo, distribuíndo as funcións de xeito que permita a máxima eficacia e eficiencia no exercicio destas.
De acordo co exposto, por proposta do conselleiro de Cultura e Turismo, cos informes previos das consellerías de Presidencia, Administracións Públicas e Xustiza e de Facenda, en uso das atribucións conferidas pola Lei 1/1983, do 22 de febreiro, e logo da deliberación do Consello da Xunta de Galicia, na súa reunión do día once de xuño de dous mil nove,
DISPOÑO:
A Consellería de Cultura e Turismo é o órgano da Administración da comunidade autónoma ao que lle corresponden as competencias en materia de promoción e difusión da cultura, patrimonio cultural, os aspectos vinculados á protección e promoción do patrimonio cultural de Galicia e da Cidade e dos camiños de Santiago, e a promoción e ordenación do turismo dentro da comunidade, segundo o establecido no Estatuto de autonomía.
-
A Consellería de Cultura e Turismo, para o exercicio das súas competencias e o cumprimento dos seus fins, contará coa seguinte estrutura:
-
Órganos centrais de dirección:
-
A/o conselleira/o.
-
A Secretaría Xeral.
-
A Secretaría Xeral para o Turismo.
-
A Dirección Xeral do Patrimonio Cultural.
-
A Dirección Xeral de Promoción e Difusión da Cultura.
-
-
Órgano de coordinación : o Consello de Dirección.
-
Órganos periféricos: os departamentos territoriais.
-
Órganos colexiados.
-
-
Queda adscrita á Consellería de Cultura e Turismo, sen prexuízo da súa personalidade xurídica propia, como axencia pública autonómica a Axencia Galega das Industrias Culturais, creada pola Lei 4/2008, do 23 de maio.
A/o conselleira/o é a autoridade superior da consellería, e con tal carácter está investido das atribucións que lle confire o artigo 34 da Lei 1/1983, do 22 de febreiro, reguladora da Xunta e da súa Presidencia.
Un. Á Secretaría Xeral correspóndenlle as seguintes funcións:
-
As sinaladas no Decreto 119/1982, do 5 de outubro.
-
O establecemento das bases e directrices da xestión económica e orzamentaria da consellería, así como levar a cabo as actuacións de control e avaliación desta nas distintas unidades e servizos dela dependentes.
-
A realización de estudos e definición de alternativas dirixidas a mellorar a eficacia e o control de gasto.
-
As de coordinación sobre planificación, estratexia, deseño, adquisición, implantación, normalización, mantemento e calidade dos sistemas e das tecnoloxías de información da consellería, sen prexuízo das competencias que lle poidan corresponder á Secretaría Xeral de Modernización e Innovación Tecnolóxica.
-
Formular as correspondentes propostas na tramitación contable dos expedientes tramitados con cargo aos orzamentos asinados ao seu centro directivo.
-
As que lle sexan encomendadas por delegación do titular do departamento.
Dous. Baixo a dependencia directa do secretario xeral existirán as seguintes unidades:
-
Subdirección Xeral de Xestión Orzamentaria e Administrativa.
Sen prexuízo das competencias que lle poidan corresponder á Consellería de Facenda, exercerá as seguintes funcións:
-
-
A xestión do persoal da consellería.
-
A coordinación da elaboración do anteproxecto do orzamento, o seu seguimento e control.
-
A auditoría e avaliación de obxectivos e indicadores da execución orzamentaria.
-
A coordinación e o impulso dos sistemas de información económica.
-
A coordinación da información económico-financeira con outras administracións.
-
A xestión da contratación administrativa, a tramitación económico-administrativa dos expedientes de gasto e proposta de pagamentos.
-
A organización dos aspectos relacionados co réxime interior.
-
A proposta das instrucións necesarias e o asesoramento nas ditas materias aos órganos directivos da consellería.
Para iso contará coas seguintes unidades con nivel orgánico de servizo:
1.1. Servizo de Persoal.
Correspóndenlle a este servizo as funcións de:
-
A tramitación, organización, custodia e arquivo dos expedientes administrativos, relativos ao persoal funcionario e laboral dependente da consellería.
-
A xestión e tramitación da nómina do persoal adscrito aos servizos centrais da consellería e a habilitación dos seus pagamentos.
-
O cumprimento das obrigas en materia de Seguridade Social e dereitos pasivos.
-
A confección das relacións de postos de traballo e a programación das necesidades de persoal da consellería.
-
Control de asistencia e puntualidade.
-
O asesoramento, o estudo e a elaboración de informes nestas materias ademais de aquelas outras actividades que, no seu ámbito de competencia, lle sexan encomendadas.
1.2. Servizo de Réxime Interior e Xestión Orzamentaria.
Este servizo desenvolverá as seguintes funcións:
-
A realización dos traballos preparatorios para a confección do anteproxecto de orzamento da consellería.
-
A execución, coordinación, seguimento e control do orzamento así como a proposta e xestión das súas modificacións.
-
A tramitación das solicitudes de autorización para os expedientes de gastos plurianuais que superen os límites previstos na normativa de réxime económico-financeiro.
-
Estudo e tramitación dos expedientes da consellería que teñan que elevarse ao Consello da Xunta de Galicia e á Comisión de Secretarios Xerais, así como o traslado dos seus acordos, dentro do ámbito da súa competencia.
-
A coordinación da xestión e recadación de taxas, prezos públicos e outros ingresos, sen prexuízo das competencias da Consellería de Facenda.
-
O estudo e a tramitación de convenios de colaboración nos que interveña a consellería.
-
A habilitación de pagamentos, agás os correspondentes a gastos de persoal, dos servizos centrais e a coordinación das habilitacións periféricas.
-
O réxime interior da consellería.
-
Aqueloutras actividades que, no seu ámbito de competencia, lle sexan encomendadas.
1.3. Servizo de Contratación.
Correspóndenlle a este servizo, ademais daquelas outras actividades que no seu ámbito de competencia lle sexan encomendadas, as funcións de:
-
A tramitación dos expedientes de contratación da consellería sometidos á normativa reguladora dos contratos do sector público, calquera que sexa o seu tipo ou forma de adxudicación.
-
O seguimento e control da execución de todos os contratos que non estea expresamente atribuída a outros órganos.
-
A tramitación económico-administrativa dos convenios de financiamento ou contratos programa con entidades públicas con personalidade xurídica propia, previstos no artigo 45 da Lei 16/2008, do 23 de decembro, de orzamentos xerais da comunidade autónoma para o ano 2009.
-
A coordinación, elaboración de propostas de instrucións e fixación de criterios para a mellora e homoxeneización dos procedementos de contratación da consellería.
-
O impulso e desenvolvemento de ferramentas de xestión na área de contratación para o seu uso xeral e compartido polas distintas unidades e servizos da consellería.
1.4. Servizo Técnico-Xurídico.
Correspóndenlle a este servizo as seguintes funcións:
-
O estudo e tramitación dos anteproxectos de disposicións de carácter xeral, a elaboración de compilación de normas e a proposta de refundición de normas emanadas da consellería.
-
O estudo, tramitación e formulación de propostas de resolución dos recursos e reclamacións que debe resolver o...
Para continuar leyendo
Solicita tu prueba