Resolución do 12 de agosto de 2003, da Delegación Provincial da Coruña, pola que se dispón o rexistro, o depósito e a publicación, no Diario Oficial de Galicia, do convenio colectivo do Concello de Oleiros.
| Sección | III. Outras Disposicións |
| Emisor | CONSELLERÍA DE ASUNTOS SOCIAIS, EMPREGO E RELACIÓNS LABORAIS |
| Rango de Ley | Resolución |
Visto o expediente do convenio colectivo do Concello de Oleiros (código convenio 1502992), que tivo entrada nesta delegación provincial da Consellería de Asuntos Sociais, Emprego e Relacións Laborais o día 13-5-2003, complementado o 23-7-2003, subscrito en representación da parte económica polos representantes do concello, e da parte social polos do sindicato CC.OO. o día 23-4-2003, e ratificado polo Pleno da Corporación o 28-4-2003, de conformidade co disposto no artigo 90.2º e 3º do Real decreto lexislativo 1/1995, do 24 de marzo,
polo que se aproba o texto refundido da Lei do Estatuto dos traballadores; Real decreto 1040/1981, do 22 de maio, sobre rexistro e depósito de convenios colectivos de traballo, e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial
ACORDA:
Primeiro.-Ordena-la súa inscripción no libro de rexistro de convenios colectivos de traballo, existente nesta delegación provincial, e notificación ás representacións económica e social da comisión negociadora.
Segundo.-Ordena-lo depósito do citado acordo no Servicio de Relacións Laborais, Sección de Mediación, Arbitraxe e Conciliación.
Terceiro.-Dispoñe-la súa publicación no Diario Oficial de Galicia.
A Coruña, 12 de agosto de 2003.
P.S. (artigo 10 do Decreto 212/2003, do 3 de abril, DOG nº 72, do 11 de abril)
Ramón del Valle López
Secretario provincial da Coruña
Convenio colectivo do persoal laboral
do Concello de Oleiros
Convenio colectivo.
Anexo I: horario.
Anexo II: vestiario.
Capítulo I
Disposicións xerais
As partes que concertan este convenio son o Concello de Oleiros e os seus OO.AA., e a central sindical CC.OO. e o comité de empresa do Concello de Oleiros, ó abeiro do establecido na Lei 9/1987 de órganos de representación e Real decreto 1/1995, do 24 de marzo, polo que se aproba o texto refundido do Estatuto dos traballadores.
Inclúense expresamente o ente territorial do Concello de Oleiros e os seus OO.AA. dependentes.
O convenio aplicarase:
3.1. Integramente a persoal laboral fixo.
3.2. Será tamén de aplicación, en todo aquilo que sexa compatible coa natureza da súa relación de emprego, ó
3.2.
-
Persoal laboral temporal.
-
Persoal laboral interino.
4.1. O convenio entrará en vigor o día seguinte o da súa publicación no BOP, abarcando o seu período de vixencia tres anos, e entenderase prorrogado por anualidades de non existir denuncia dalgunha das partes ata a entrada en vigor do novo convenio que substitúa o anterior trala oportuna negociación.
4.2. As partes asinantes conveñen que o convenio se considerará denunciado cando así se faga con tres meses de antelación á finalización da súa vixencia ou de calquera prórroga, co fin de inicia-las negociacións e deliberacións do novo convenio en data non posterior a un mes contado a partir da data de denuncia.
O convenio regula e facilita o normal desenvolvemento das relacións de traballo do persoal do Concello de Oleiros e dos seus OO.AA. dependentes, derrogando tódalas normas iguais ou de inferior rango no que se opoñan ó contido neste convenio.
O convenio pretende ter un carácter necesario e indivisible para tódolos efectos no sentido de que as condicións pactadas neste constitúen un todo orgánico e unitario.
Terase por nula e por non feita a renuncia por parte dos/as traballadores/as, de calquera dereito establecido no convenio.
As partes asinantes do convenio comprométense á aplicación directa deste e a non promover cuestións que puidesen supoñer modificacións das condicións pactadas no texto.
Como norma xeral, unha vez aplicado o convenio, e trala consulta á comisión paritaria mixta de control e seguimento, tódalas condicións establecidas no convenio, en caso de dúbida, ambigüidade ou escuridade, en canto ó sentido e alcance, terán que ser interpretadas e aplicadas do xeito que resulte máis beneficioso para os traballadores/as, con sometemento pleno á lei e ó dereito.
Con independencia da súa aprobación polo Pleno municipal, será publicado no BOP da Coruña e facilitaráselle unha copia a cada traballador/a del.
As partes asinantes deste convenio comprométense a esgota-la vía de diálogo e negociación antes de adoptaren medidas disciplinarias ou actividades de conflicto laboral.
Capítulo II
Seguimento e control
-
Constituirase unha comisión paritaria de seguimento e control integrada polos representantes da corporación e do comité de empresa.
-
A comisión paritaria terá as seguintes funcións:
Interpreta-lo texto do convenio en tódolos seus aspectos, cando xurdan dúbidas na súa concreta aplicación.
A vixilancia e o seguimento do cumprimento do establecido no convenio.
-
Esta comisión paritaria constituirase ós trinta días do asinamento do convenio, integrada por catro membros. A devandita comisión reunirase por petición de calquera das partes nun prazo máximo de catro días hábiles.
-
Os acordos da comisión tomaranse por unanimidade. Como norma xeral, tódalas condicións establecidas neste convenio, en caso de dúbida, ambigüidade ou escuridade en canto a sentido e alcance, deberanse ter interpretado do xeito que resulte máis beneficioso para o traballador.
-
A comisión será presidida pola/o alcalde-presidente ou persoa en quen delegue.
-
O secretario/a será unha persoa designada entre os/as traballadores funcionarios do concello.
Capítulo III
Negociación colectiva
Os empregados/as ó servicio do Concello de Oleiros e dos seus OO.AA. terán dereito á participación na determinación das súas condicións de traballo conforme a lexislación vixente aplicable e no disposto nos seguintes artigos:
A corporación e os membros do comité de empresa comprométense a promove-las condicións que permitan o pleno desenvolvemento da liberdade sindical, recoñecida no artigo 28 da Constitución e na LO 11/1985, do 2 de agosto, de liberdade sindical. A actividade sindical na Administración rexerase polo título IV da devandita lei e o previsto na Lei 9/1987, do 12 de maio, de órganos de representación, determinación das condicións de traballo e participación do persoal ó servicio das administracións públicas.
13.1. A mesa de negociación virá constituída e formada por unha representación do concello e os sindicatos máis representativos, e do comité de empresa e xunta de persoal, e será a encargada de renegocia-los futuros e distintos convenios colectivos e acordos, unha vez rematada a vixencia dos anteriores.
13.2. A composición da mesa de negociación será paritaria.
13.3. A mesa de negociación reunirase, como mínimo, unha vez ó ano.
13.4. As decisións tomaranse por maioría da metade máis dous dos compoñentes da mesa.
13.5. Recoméndase a constitución dunha mesa xeral de negociación única para o persoal laboral e funcionario para os efectos sinalados.
Ó abeiro do disposto no artigo 32 da Lei 9/1987, do 12 de xuño, e o artigo 85 do Real decreto 1/1995, do 4 de marzo, polo que se aproba o Estatuto dos traballadores, serán obxecto de negociación as seguintes materias:
-
O incremento de retribucións do persoal nos orzamentos ordinarios anuais da entidade.
-
A determinación e aplicación das retribucións.
-
A preparación e o deseño dos programas de oferta de emprego público.
-
A clasificación de postos de traballo.
-
A determinación dos programas e fondos para a acción de promoción interna, formación e perfeccionamento.
-
Os sistemas de ingreso, provisión e promoción do persoal.
-
As propostas sobre dereitos sindicais e de participación.
-
Medidas sobre seguridade e saúde laboral.
-
As materias de índole económica, de prestación de servicios, sindical, asistencial e, en xeral, cantas outras afecten as condicións de traballo e o ámbito de relacións laborais do persoal e...
Para continuar leyendo
Solicita tu prueba