Decreto 597/2006, do 12 de xaneiro, polo que se establece a estrutura orgánica da Consellería de Medio Ambiente e Desenvolvemento Sostible.
Sección | I. Disposicións Xerais |
Emisor | CONSELLERÍA DE MEDIO AMBIENTE E DESENVOLVEMENTO SOSTIBLE |
Rango de Ley | Decreto |
Os decretos 211/2005, do 3 de agosto, e 232/2005, do 11 de agosto, establecen a estrutura orgánica da Xunta de Galicia e dos seus distintos departamentos, polo que procede, pola súa vez, determinar a estrutura orgánica e funcional da Consellería de Medio Ambiente e Desenvolvemento Sostible, adecuándoa ao prescrito nos devanditos decretos e atendendo aos principios de economía, eficacia e racionalización da organización administrativa.
En consecuencia, por proposta do conselleiro de Medio Ambiente e Desenvolvemento Sostible, logo de informe das consellerías da Presidencia, Administracións Públicas e Xustiza e de Economía e Facenda, en uso das atribucións conferidas pola Lei 1/1983, do 22 de febreiro, modificada pola Lei 11/1988, do 20 de outubro, reguladora da Xunta e do seu presidente, e logo de deliberación do Consello da Xunta de Galicia na súa reunión do día doce de xaneiro de dous mil seis,
DISPOÑO:
A Consellería de Medio Ambiente e Desenvolvemento Sostible é o órgano da Administración da
Comunidade Autónoma de Galicia a que corresponde o exercicio das competencias e funcións que en materia de ambiente e conservación da natureza se establecen nos artigos 27.12º, 15º e 30º e 29.4º do Estatuto de autonomía de Galicia e demais normativa de aplicación, en especial na normativa sobre protección ambiental de Galicia.
-
Para o desempeño das súas funcións a Consellería de Medio Ambiente e Desenvolvemento Sostible estruturase nos seguintes órganos:
-
O conselleiro.
-
Secretaría Xeral.
-
Dirección Xeral de Conservación da Natureza.
-
Dirección Xeral de Calidade e Avaliación Ambiental.
-
Dirección Xeral de Desenvolvemento Sostible.
-
Delegacións provinciais.
-
Órganos colexiados.
-
-
Están adscritos á Consellería de Medio Ambiente e Desenvolvemento Sostible o organismo autónomo Augas de Galicia e o ente público Obras e Servizos Hidráulicos.
-
O conselleiro.
-
O conselleiro é a superior autoridade da consellería e con tal carácter está investido das atribucións que lle confire o artigo 34 da Lei 1/1983, do 22 de febreiro, reguladora da Xunta de Galicia e do seu presidente, modificada pola Lei 11/1988, do 20 de outubro.
-
Secretaría Xeral.
-
A Secretaría Xeral exercerá as competencias e funcións establecidas no Decreto 119/1982, do 5 de outubro, polo que se regulan as funcións das secretarías xerais técnicas das consellerías, así como aquelas que lle sexan delegadas polo titular da consellería.
-
Dependen directamente da Secretaría Xeral as seguintes unidades:
2.1. Vicesecretaría Xeral.
Con nivel orgánico de subdirección xeral, exercerá as seguintes funcións:
-
Suplencia do secretario xeral no caso de enfermidade, ausencia ou vacante.
-
Confección dos anteproxectos de orzamentos da consellería.
-
Elaboración de informes de xestión, tramitación de expedientes de modificación orzamentaria e seguimento e control das contas autorizadas da consellería.
-
Control da xestión económica dos orzamentos e execución de gasto das diversas unidades da consellería.
-
Coordinación e, se é o caso, elaboración dos pregos de cláusulas administrativas e prescricións técnicas dos contratos administrativos da consellería.
-
Tramitación, seguimento e control dos expedientes de contratación.
-
Seguimento e control dos convenios e protocolos de colaboración en que sexa parte a consellería.
-
Coordinación das secretarías das delegacións provinciais en materia de xestión orzamentaria e contratación.
-
A facultade de proposta nos asuntos da súa competencia.
-
Aquelas que por razón da súa competencia se lle encomenden.
Para isto contará coas seguintes unidades co nivel orgánico de servizo:
2.1.1. Servizo de Xestión Orzamentaria.
2.1.2. Servizo de Contratación.
2.2. Subdirección Xeral de Persoal e Coordinación Administrativa:
É a unidade que exercerá as funcións de:
-
Xestión e administración do persoal funcionario, eventual e laboral.
-
Xestión económica relativa ao capítulo I.
-
Seguimento, actualización e arquivo dos expedientes de persoal.
-
Coordinación administrativa.
-
Rexistro xeral e información xeral.
-
Xestión dos plans de formación do persoal da consellería.
-
Programación das necesidades de persoal.
-
Elaboración da proposta de relación de postos de traballo da consellería.
-
Réxime interno de funcionamento.
-
Xestión e coordinación do parque móbil.
-
Administración dos sistemas informáticos e redes de voz e datos, incluíndo a súa instalación, mantemento, actualización e atención e formación dos usuarios.
-
Proposta de novos desenvolvementos, planificación e execución deles e xestión e mantemento dos desenvolvementos en fase de explotación.
-
Definición e cumprimento das políticas de seguridade e protección de datos.
ñ) Selección dos materiais e produtos para implantar os cambios tecnolóxicos ao servizo das necesidades emerxentes.
-
Elaboración e mantemento do sitio web da consellería.
-
Coordinación das secretarías das delegacións provinciais en materia de persoal, réxime interno e informatización.
-
A facultade de proposta nos asuntos da súa competencia.
-
Aquelas que por razón da súa competencia se lle encomenden.
Para iso contará coas seguintes unidades con nivel orgánico de servizo:
2.2.1. Servizo de Persoal e Réxime Interno.
2.2.2. Servizo de Informática.
2.3. Subdirección Xeral de Planificación, Estudos e Informes:
É a unidade que exercerá as seguintes funcións:
-
Xestión do plan de publicacións e edicións audiovisuais da consellería e as funcións relativas á representación dela na Comisión de Publicacións da Xunta de Galicia.
-
Elaboración de estudos e propostas de actuación sobre aspectos relativos a estruturación, planificación, organización, métodos de traballo e mellora da xestión dos diferentes procesos administrativos.
-
Formación de estatísticas nas materias que sexan competencia da consellería en coordinación co Instituto Galego de Estatística, sen prexuízo das funcións nesta materia doutras unidades da consellería.
-
Elaboración do plan de necesidades de obras e equipamentos das distintas unidades e centros da consellería.
-
Supervisión e inspección dos proxectos de obra da consellería e a súa execución material, tanto nos supostos de adxudicación como nos de execución pola Administración.
-
Asistencia técnica e administrativa á Secretaría Xeral en todos os asuntos que lle sexan encomendados polo seu titular, elaborando para ese efecto, os estudos, informes e propostas que correspondan.
-
Aquelas que por razón da súa competencia se lle encomenden.
Para o desenvolvemento das súas funcións contará coa seguinte unidade:
2.3.1. Servizo de Supervisión, Inspección de Proxectos, Obras e Servizos.
2.4. Baixo a dependencia directa, orgánica e funcional da Secretaría Xeral existe a seguinte unidade con nivel orgánico de servizo:
2.4.1. Servizo Técnico Xurídico, coas funcións de:
-
Informe e tramitación de todos os proxectos de disposición de carácter xeral que elaboren os distintos centros directivos da consellería, das recompilacións e refundicións de normas.
-
Preparación e informe dos asuntos que se elevarán ao Consello da Xunta de Galicia e ás comisións delegadas e o traslado dos seus acordos, así como informe sobre os recursos presentados contra os actos administrativos emanados da consellería.
-
Coordinación das actuacións da consellería en relación coas fundacións de interese galego sobre as cales esta exerza o protectorado, levando para ese efecto os libros de rexistro.
-
Rexistro e arquivo das disposicións legais emanadas da consellería, así como levar a cabo as recompilacións e refundicións das normas emanadas desta.
-
Tramitación dos expedientes de responsabilidade patrimonial, unha vez rematada a súa instrución.
-
Coordinación dos servizos técnico-xurídicos das delegacións provinciais.
-
Aquelas que por razón da súa competencia se lle encomenden.
2.5. Integradas organicamente na Secretaría Xeral e con nivel orgánico de Subdirección Xeral, existirán as seguintes unidades:
2.5.1. Asesoría Xurídica.
2.5.2...
Para continuar leyendo
Solicita tu prueba