Resolución do 2 de febreiro de 2004, da Delegación Provincial de Pontevedra, pola que se dispón o rexistro, o depósito e a publicación, no Diario Oficial de Galicia, do convenio colectivo da empresa Transportes La Unión, S.A.
| Sección | III. Outras Disposicións |
| Emisor | CONSELLERÍA DE ASUNTOS SOCIAIS, EMPREGO E RELACIÓNS LABORAIS |
| Rango de Ley | Resolución |
Visto o texto do convenio colectivo da empresa Transporte La Unión, S.A., con número de código 3601322, que tivo entrada nesta delegación provincial o día 13-1-2004, subscrito en representación da parte económica pola representación da empresa, e da parte social, polos delegados de persoal, con data do 30-12-2003. De conformidade co disposto no artigo 90.2º e 3º, do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estato á Comunidade Autónoma de Galicia, en materia de traballo, esta delegación provincial
ACORDA:
Primeiro.-Ordena-la súa inscrición no libro de rexistro de convenios colectivos de traballo, que consta nesta delegación provincial, e a notificación ás representacións económica e social da comisión negociadora.
Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.
Terceiro.-Dispoñe-la súa publicación no Diario Oficial de Galicia.
Vigo, 2 de febreiro de 2004.
Joaquín Macías Sánchez
Delegado provincial de Vigo
Convenio colectivo da empresa Transportes La Unión, S.A.
Este convenio afecta a todo o persoal pertencente actualmente ó cadro de persoal da empresa Trans
portes La Unión, S.A., así como a aquel que ingrese durante a vixencia deste.
Este convenio entrará en vigor o 1 de xaneiro de 2003 ó 31 de decembro de 2005, e entenderase prorrogado de ano en ano, salvo denuncia de calquera das partes con tres meses de antelación, como mínimo, á data da súa terminación ou prórrogas.
A dita prórroga non terá efecto sobre a táboa salarial, que seguirá incrementándose tódolos anos, o 1 de xaneiro, sobre a parte proporcional que se acorde entre empresa e traballadores.
Estas normas obrigan a totalidade do persoal ocupado pola empresa, tanto se realiza función técnica como manual.
As condicións pactadas son compensables na súa totalidade, coas que viñesen rexendo, por mellora pactada ou voluntaria concedida pola empresa.
As melloras que por disposición legal ou regulamentaria, poidan establecerse no futuro, serán absorbibles polos aumentos acordados por este convenio, sempre e cando non superen os beneficios que se conceden no conxunto deste.
Respectaranse as situacións persoais que con carácter de cómputo anual excedan destas normas, mencionadas estrictamente ad personam. Como as melloras económicas que se implantan en virtude deste convenio, teñen o carácter de mínimas, estimadas no seu conxunto, subsistirán os pactos, cláusulas e situacións de feito, establecidas por costume xeral ou de lugar implantadas pola empresa que significasen condicións máis beneficiosas para os traballadores.
O persoal afectado por este convenio, segundo as categorías, rexeranse para o primeiro período de vixencia do convenio (1-1-2003 a 31-12-2003) pola táboa salarial anexa.
Para o período de vixencia do convenio, 1 de xaneiro de 2004 a 31 de decembro de 2004, a dita táboa incrementarase no IPC do ano 2003 máis o 1%.
Para o período de vixencia do convenio, 1 de xaneiro de 2005 a 31 de decembro de 2005, a táboa salarial anterior incrementarase no IPC do ano 2004 máis o 1%.
As gratificacións extraordinarias do ano aboaranse na contía de 30 días, segundo a táboa salarial, máis antigüidade se é o caso; denominaranse, xullo, Nadal e marzo, e serán feitas efectivas antes do 22 de xullo, 20 de decembro e 15 de marzo, respectivamente.
Todo o persoal ó servicio da empresa desfrutará un período anual de vacacións de 30 días naturais;
e como norma xeral nun ou dous períodos distintos, un dos cales será preferentemente en verán.
O persoal que traballe entre as 22.00 e as...
Para continuar leyendo
Solicita tu prueba