Resolución do 6 de febreiro de 2007 pola cal se anuncia e regula o IV Curso selectivo de ingreso na Función Pública galega do persoal en prácticas do grupo A.
Sección | III. Outras Disposicións |
Emisor | ESCOLA GALEGA DE ADMINISTRACIÓN PÚBLICA |
Rango de Ley | Resolución |
Concluída a fase de oposición das probas selectivas para o ingreso na Función Pública galega do persoal do grupo A, convocadas por orde da Consellería de Presidencia, Administracións Públicas e Xustiza da Xunta de Galicia do día 1 de decembro de 2005 (DOG nº 239, do 15 de decembro do citado ano), e publicada a relación regulamentaria de aspirantes aprobados conforme a resolución ditada polo correspondente tribunal cualificador, procede subseguintemente convocar o preceptivo curso selectivo segundo se prevé na devandita disposición.
O mencionado curso será organizado pola Escola Galega de Administración Pública, en cumprimento do establecido na base III da antedita orde.
En consecuencia, esta escola resolve:
Primeiro.-Que se convoquen os aspirantes que, segundo a resolución de 28 de novembro de 2006, do tribunal designado para xulgar o proceso selectivo para o acceso ao corpo superior de Administración da Xunta de Galicia (grupo A), superaron a fase de oposición do devandito proceso selectivo (artigo 16.1.3 do Regulamento de selección do persoal da Administración da Comunidade Autónoma galega).
O curso comezará na sede da Escola Galega de Administración Pública o vindeiro 26 de febreiro de 2007, ás 16.30 horas.
Segundo.-Durante o desenvolvemento deste curso selectivo, os aspirantes terán a condición de funcionarios en prácticas, séndolles de aplicación o Regulamento de réxime disciplinario dos funcionarios da Administración da Comunidade Autónoma de Galicia, as disposicións sobre retribucións que lles correspondan a estes funcionarios e as normas da presente resolución.
-
Normas.
O curso selectivo comporase de dúas fases:
-
Módulos temáticos.
Á hora de impartir as materias contidas en cada módulo, conferiráselles un carácter fundamentalmente práctico e as clases servirán, ao mesmo tempo, para afondar nos coñecementos adquiridos polos aspirantes na fase preparatoria da correspondente oposición.
-
Aplicación de coñecementos.
Conforme se establece nas normas dedicadas aos réximes disciplinario e académico desta disposición, declárase obrigatoria a concorrencia ás clases e ás
restantes actividades que integran o curso selectivo, así como a execución dos traballos e as tarefas que se lles encarguen aos participantes.
Os aspirantes que non superen o curso selectivo poderán incorporarse ao inmediatamente posterior, coa puntuación asignada ao último dos participantes nel. De non superalo, perderán todos os seus dereitos para seren nomeados funcionarios de carreira.
-
-
Módulos temáticos.
2.1. Os módulos temáticos sobre os cales versarán as correspondentes clases serán estes:
Grupo A:
-
Parte común:
Módulo 1: Introdución ás administracións e á xestión pública
Programa:
-
-
As administracións públicas contemporáneas e a xestión pública.
-
A xestión de recursos humanos nas organizacións públicas. Motivación.
-
Habilidades directivas nas organizacións públicas (I): conflito e habilidades sociais.
-
Habilidades directivas nas organizacións públicas (II): comunicación, reunións.
-
A mellora continua nas organizacións públicas: o caso da Xunta de Galicia.
Este módulo terá unha duración de 20 horas lectivas.
Módulo 2: Dirección e xestión de recursos humanos.
Programa:
-
Dereitos e deberes do persoal público.
-
A responsabilidade dos funcionarios públicos.
-
A carreira administrativa. O grao persoal.
-
Réxime disciplinario.
-
As incompatibilidades do persoal ao servizo das administracións públicas.
-
As relacións de postos de traballo.
-
A oferta de emprego público.
-
Os procesos selectivos.
-
Provisión de postos de traballo e situacións administrativas.
-
As relacións laborais na Administración.
-
Seguridade e hixiene no traballo.
Este módulo terá unha duración de 20 horas lectivas.
Módulo 3: contratación administrativa.
Programa:
-
O Real decreto lexislativo 2/2000, do 16 de xuño, e o dereito comunitario da contratación pública. Ámbito de aplicación da lei. A contratación dos entes instrumentais: sociedades mercantís e demais entidades do sector público.
-
Requisitos dos contratos. Capacidade e solvencia das empresas. As garantías nos contratos administrativos.
-
Actuacións relativas á contratación: pregos de cláusulas administrativas e de prescricións técnicas. Perfección e formalización dos contratos.
-
Actuacións preparatorias. Tramitación do expediente de contratación e adxudicación dos contratos. A mesa de contratación.
-
Execución e modificación dos contratos. A revisión de prezos. Extinción dos contratos. O contrato de obras (I). Referencia á concesión de obras públicas.
-
O contrato de obras (II).
-
O...
Para continuar leyendo
Solicita tu prueba