Decreto 107/2004, do 27 de maio, polo que se declara ben de interese cultural, coa categoría de monumento, o mosteiro de San Xusto de Toxosoutos, no concello de Lousame.
| Sección | III. Outras Disposicións |
| Emisor | CONSELLERÍA DE CULTURA, COMUNICACIÓN SOCIAL E TURISMO |
| Rango de Ley | Decreto |
A Dirección Xeral de Patrimonio Cultural, por Resolución do 2 de decembro de 2003 (Diario Oficial de Galicia do 24 de decembro) incoou expediente para a declaración de ben de interese cultural a favor do mosteiro de San Xusto de Toxosoutos.
A tramitación do expediente levouse a cabo segundo o establecido na Lei 8/1995, do 30 de outubro, do patrimonio cultural de Galicia, e demais disposicións vixentes.
Tendo en conta o disposto no artigo 12 da Lei 8/1995, do 30 de outubro, do patrimonio cultural de Galicia, por proposta do conselleiro de Cultura, Comunicación Social e Turismo, e logo da deliberación do Consello da Xunta de Galicia na súa reunión do día vinte e sete de maio de dous mil catro,
DISPOÑO:
Declarar ben de interese cultural, coa categoría de monumento, o mosteiro de San Xusto de Toxosoutos, concello de Lousame.
A zona afectada pola declaración é a comprendida na delimitación escrita contida no anexo I e no plano recollido no anexo II.
Este decreto será notificado ao Rexistro Xeral de Bens de Interese Cultural do Estado, ao Rexistro de Bens de Interese Cultural de Galicia, ao concello de Lousame e aos demais interesados no expediente.
Este decreto será publicado no Diario Oficial de Galicia e no Boletín Oficial del Estado.
Disposición derradeira
Este decreto entrará en vigor o día seguinte ao da súa publicación no Diario Oficial de Galicia.
Santiago de Compostela, 27 de maio do 2004.
Manuel Fraga Iribarne
Presidente
Jesús Pérez Varela
Conselleiro de Cultura, Comunicación Social e Turismo
ANEXO I
O contorno de protección do mosteiro de San Xusto de Toxosoutos de Lousame (A Coruña) queda defi
nido pola liña que une os puntos A-B-C-D-E, estando o punto A situado na estrada Santiago de Compostela-Noia, xunto ao camiño de acceso ao mosteiro.
A-B: tramo da estrada Santiago de Compostela-Noia ata o vértice E da parcela 5396a do polígono catastral 504 Z-2.
B-C: liña quebrada que coincide cos lindeiros das parcelas 5396a, 5404a, 314, 312a e 291 do polígono catastral 504 Z-2, ata o río San Xusto...
Para continuar leyendo
Solicita tu prueba