Resolución do 23 de novembro de 2006, da Secretaría Xeral da Igualdade, pola que se lle dá publicidade ao convenio de colaboración entre a Vicepresidencia da Igualdade e do Benestar e a Asociación Galega de Familias Numerosas para a xestión da disposición pola que se establecen as bases que rexen as axudas ás familias numerosas para a contratación da conexión á internet mediante banda larga.
Sección | III. Outras Disposicións |
Emisor | VICEPRESIDENCIA DA IGUALDADE E DO BENESTAR |
Rango de Ley | Resolución |
Con data do 17 de novembro de 2006 suscribiuse entre a Vicepresidencia da Igualdade e do Benestar e a Asociación Galega de Familias Numerosas un convenio para a xestión da disposición pola cal se establecen as bases que rexen as axudas ás famlias numerosas para a contratación da conexión á internet mediante banda larga.
Cumprida a tramitación do convenio, procede a súa publicación no Diario Oficial de Galicia, que figura como anexo desta resolución.
O que se fai público para os efectos oportunos.
Santiago de Compostela, 23 de novembro de 2006.
Carme Adán Villamarín
Secretaria xeral da Igualdade
ANEXO
Convenio de colaboración entre a Vicepresidencia da Igualdade e do Benestar e a Asociación Galega de Familias Numerosas para a xestión da disposición pola cal se establecen as bases que rexen as axudas ás familias numerosas para a contratación da conexión á internet mediante banda larga.
Santiago de Compostela, 17 de novembro de 2006.
Reunidos:
Dunha parte, Carme Adán Villamarín, secretaria xeral da Igualdade, de conformidade co disposto no Decreto 211/2005, do 3 de agosto, que establece a estrutura orgánica da Xunta de Galicia, no Decreto 232/2005, do 11 de agosto, polo que se fixa a estrutura orgánica dos departamentos da Xunta de Galicia (modificados polos decretos 332/2005, do 18 de agosto, e 454/2005, do 1 de setembro), no Decreto 517/2005, do 6 de outubro, polo que se establece estrutura orgánica da Vicepresidencia da Igualdade e do Benestar, e ao abeiro da Orde do 19 de setembro de 2005, sobre delegación de competencias no secretario xeral e de Relacións Institucionais e noutros órganos da Vicepresidencia da Igualdade e do Benestar.
E doutra, Luís Sánchez González, que actúa en nome e representación da entidade Asociación Galega de Familias Numerosas, de acordo co nomeamento outorgado segundo o disposto nos seus estatutos e que consta no rexistro de entidades prestadoras de servizos sociais desta vicepresidencia.
Ambas as dúas partes, no nome e representación en que concorren e con capacidade legal para este acto,
EXPOÑEN:
Primeiro.-Que a Comunidade Autónoma galega, segundo o disposto no artigo 27.23º do Estatuto de autonomía de Galicia, ten competencia exclusiva en materia de acción social, sendo aprobadas en virtude da dita competencia a Lei 4/1993, do 14 de abril, de servizos sociais, e a Lei 3/1997, do 9 de xuño, galega da familia, a infancia e a adolescencia.
Segundo.-Que a Vicepresidencia da Igualdade e do Benestar, segundo o artigo 1 do Decreto 517/2005, do 6 de outubro, é o órgano da administración autonómica a que lle corresponde o exercicio das competencias e funcións en materia de benestar social...
Para continuar leyendo
Solicita tu prueba