Decreto 317/2009, do 4 de xuño, polo que se establece a estrutura orgánica do Instituto Galego da Vivenda e Solo.
| Sección | I. Disposicións Xerais |
| Emisor | CONSELLERÍA DE MEDIO AMBIENTE, TERRITORIO E INFRAESTRUTURAS |
| Rango de Ley | Decreto |
O Instituto Galego da Vivenda e Solo (en adiante IGVS) foi creado pola Lei 3/1988, do 27 de abril, desenvolvida polo Decreto 288/1988, do 29 de setembro. O Decreto 70/1997, do 14 de marzo, modificado polo Decreto 258/1999, do 17 de setembro, estableceu a súa estrutura orgánica. Posteriormente, en 2005, publicáronse os decretos 505 e 506/2005, do 22 de setembro, polos que se aprobaron respectivamente as estruturas orgánicas da Consellería de Vivenda e Solo e do Instituto Galego da Vivenda e Solo.
Como consecuencia da publicación do Decreto 79/2009, do 19 de abril, que establece a nova estrutura orgánica da Xunta de Galicia e do Decreto 83/2009, do 22 de abril, que fixa a estrutura orgánica dos departamentos da Xunta de Galicia, o Instituto Galego da Vivenda e Solo queda adscrito á Consellería de Medio Ambiente, Territorio e Infraestruturas como organismo autónomo, polo que se fai preciso aprobar o decreto da súa estrutura orgánica, coa finalidade de adaptar a composición dos seus órganos non só á dependencia da nova consellería, senón tamen á estrutura desta.
Aprovéitase a modificación organizativa para reforzar os servizos dedicados á xestión das axudas orientadas ás vivendas en aluguer, asi como a potenciar a xestión dos rexistros públicos, e de xeito moi especial o rexistro de demandantes de vivenda, de tal xeito que se converta nun sistema fiable á hora de coñecer a demanda de vivenda protexida nas diferentes localidades e, ao mesmo tempo, sexa áxil no seu funcionamento.
De conformidade co exposto, por proposta do conselleiro de Medio Ambiente, Territorio e Infraestruturas, logo dos informes da Consellería de Facenda e da Consellería de Presidencia, Administracións Públicas e Xustiza, e logo da deliberación do Consello da Xunta de Galicia na súa reunión do día catro de xuño de dous mil nove,
DISPOÑO:
Título I
Ámbito competencial e organización xeral do IGVS
O Instituto Galego da Vivenda e Solo é un organismo autónomo de carácter comercial e financeiro, adscrito á Consellería de Medio Ambiente, Territorio e Infraestructuras, ao que lle corresponde a realización das políticas de vivenda e solo, coa finalidade de acadar os obxectivos previstos na Lei 3/1988, do 27 de abril, de creación do Instituto Galego da Vivenda e Solo, e no marco dos principios reitores contidos no artigo 47 da Constitución española.
Para o desempeño das súas funcións, o instituto terá a seguinte estrutura orgánica:
O Consello do Instituto.
O/A presidente/a.
A Dirección Xeral.
A Secretaría Xeral.
As direccións técnicas:
-A Dirección Técnica de Xestión do Patrimonio e Fianzas.
-A Dirección Técnica de Construcións e Calidade.
-A Dirección Técnica de Solo.
-A Dirección Técnica de Xestión Económica e Orzamentos.
-A Dirección Técnica de Réxime Xurídico e Inspección.
-A Dirección Técnica de Fomento.
-A Dirección Técnica de Actuacións en Aluguer.
As xefaturas territoriais.
As áreas provinciais.
Título II
Servizos centrais
Capítulo I
O Consello do IGVS
O consello é o órgano superior do instituto, ao cal lle corresponde a alta dirección da súa actividade.
3.1. O Consello do Instituto está constituído por:
-
O/A presidente/a do Consello e do Instituto, que será o/a conselleiro/a de Medio Ambiente, Territorio e Infraestruturas.
-
Un/Unha vicepresidente/a, que será o/a secretario/a xeral da Consellería de Medio Ambiente, Territorio e Infraestruturas.
-
Os/As vogais, que serán:
-Un/Unha director/a xeral representante da Consellería de Presidencia, Administracións Públicas e Xustiza.
-Un/Unha director/a xeral representante da Consellería de Facenda.
-O/A secretario/a xeral de Ordenación do Territorio e Urbanismo da Consellería de Medio Ambiente, Territorio e Infraestruturas
-O/A director/a xeral de Sostibilidade e Paisaxe da Consellería de Medio Ambiente, Territorio e Infraestruturas.
-O/A director/a xeral do IGVS.
-
O/A secretario/a do consello, que será o/a secretario/a xeral do Instituto Galego da Vivenda Solo, ou persoa en quen delegue.
3.2. Competencias:
Correspóndelle ao Consello do Instituto:
-
A aprobación dos seus plans e programas de actuacións, por proposta do/a director/a xeral do IGVS.
-
A aprobación do anteproxecto de orzamento do instituto, presentado polo seu director/a xeral.
-
O control da xestión do instituto.
-
A constitución de comisións de estudo sobre aspectos específicos en materias da súa competencia e o deseño de plans de formación e divulgación no ámbito das competencias do instituto.
-
A aprobación da proposta de creación de consorcios e sociedades anónimas ou de integración ou participación do instituto nas xa constituídas, así como a aprobación da proposta de constitución de xerencias e de todo tipo de acordos coa iniciativa privada.
-
Cantos asuntos relacionados coa competencia do instituto lle someta o/a seu /súa presidente/a.
Capítulo II
O/a presidente/a
4.1. O/A presidente/a do Instituto Galego da Vivenda e Solo será o/a conselleiro/a de Medio Ambiente, Territorio e Infraestruturas, quen desempeña a representación oficial deste.
4.2. Correspóndelle ao/á presidente/a do instituto:
-
Convocar as reunións do consello, sinalando lugar, día e hora da celebración, así como establecer a orde do día delas, por propia iniciativa ou cando así o solicite a metade máis un dos membros do consello.
-
Presidir e dirixir as deliberacións do consello.
-
Autorizar coa súa sinatura as actas das sesións do Consello do Instituto.
-
Someter á aprobación do Consello da Xunta o anteproxecto de orzamentos do instituto e, se é o caso, os seus plans e programas.
-
Obrigar ao instituto en todos os casos, de conformidade cos requisitos exixidos pola lexislación vixente, correspondéndolle, como órgano de contratación del, a facultade de celebrar contratos.
-
Calquera outra facultade que, en relación coas materias de competencia do instituto se lle atribúa regulamentariamente.
Capítulo III
A Dirección Xeral
5.1. O/A director/a xeral do IGVS é o seu órgano executivo. Será nomeado e destituído libremente polo Consello da Xunta, por proposta do/a conselleiro/a de Medio Ambiente, Territorio e Infraestruturas.
5.2. Correspóndelle ao/á director/a xeral do instituto:
-
Asistir o/a presidente/a no exercicio das súas funcións.
-
Exercer, por delegación do/a presidente/a, a representación oficial do instituto.
-
Executar os acordos do Consello do Instituto.
-
Dirixir a xestión do instituto.
-
Asinar, no caso de delegación do/a presidente/a e en nome do instituto, os convenios e contratos sobre materias da súa competencia.
-
Elaborar o anteproxecto de orzamentos do instituto, así como render as contas correspondentes.
-
Dispoñer os créditos e dotacións, o recoñecemento das obrigas e a ordenación dos pagamentos do instituto, dentro dos límites que lle correspondan.
-
Dirixir a preparación dos plans e programas do instituto e presentalos ao Consello do Instituto para a súa aprobación.
-
Exercer a xefatura superior sobre o persoal do instituto.
-
Presentar a memoria anual do organismo.
-
Todas as facultades que lle delegue expresamente o/a presidente/a do instituto ou lle sexan encomendadas polo consello. Terá, así mesmo, como propias, todas as funcións e facultades non encomendadas pola lexislación vixente ao consello ou ao/á presidente/a do instituto.
Capítulo IV
A Secretaría Xeral
6.1. O/A secretario/a xeral do IGVS, que terá a consideración de alto cargo, será nomeado polo Consello do Instituto por proposta do/a director/a xeral entre persoas con titulación superior. Cesará no seu cargo polo mesmo procedemento.
6.2. Correspóndelle ao/á secretario/a xeral, baixo a dependencia do/a director/a xeral do instituto:
-
Desempeñar a secretaría do Consello do Instituto.
-
A dirección inmediata do persoal do instituto e das actividades do réxime interior
-
A coordinación de todos os servizos do instituto, velando polo seu correcto funcionamento e control.
-
A realización dos estudos necesarios para elaborar os plans xerais e os programas en materia de vivenda.
-
Propoñer as accións relativas ao réxime interno dos servizos, a súa inspección e canto afecte ao seu funcionamento interno.
-
A coordinación da contratación do instituto.
-
A dirección dos asuntos relativos ao apoio xurídico e informatización do IGVS.
-
Todas as funcións que lle delegue expresamente o/a director/a xeral do instituto.
6.3. O/A secretario/a xeral asumirá, en caso de vacante, ausencia ou enfermidade do/a director/a xeral do instituto, as funcións ordinarias de despacho e sinatura nos asuntos de mero trámite e nos que con carácter ordinario lle sexan delegados.
6.4 Dependerán organicamente da Secretaría Xeral, con nivel orgánico de Subdirección Xeral:
6.4.1. A Asesoría Xurídica do IGVS, que se rexerá polo disposto no Decreto 343/2003, do 11 de xullo, polo que se aproba o regulamento orgánico da Asesoría Xurídica da Xunta de Galicia. Dependerá funcionalmente da Asesoría Xurídica Xeral da Xunta de Galicia e contará co número de efectivos que se determine na correspondente relación de postos de traballo.
6.4.2. A Intervención Delegada, que dependerá funcionalmente da Intervención Xeral da Comunidade Autónoma e contará co número de efectivos que se determine na correspondente relación de postos de traballo.
Para o exercicio da súa competencia, a Secretaría Xeral contará coas seguintes unidades, con nivel orgánico de xefatura de servizo:
7.1...
Para continuar leyendo
Solicita tu prueba