DECRETO 101/2012, do 16 de marzo, polo que se acorda a cesión en propiedade a título gratuíto aos concellos de Cesuras, Mañón, Neda e As Pontes de García Rodríguez duns inmobles, antigas casetas de legoeiros.
Sección | III. Outras Disposicións |
Emisor | CONSELLERÍA DE FACENDA |
Rango de Ley | Decreto |
Os concellos de Cesuras, Mañón, Neda e As Pontes de García Rodríguez solicitaron a cesión a título gratuíto de antigas casetas de legoeiros situadas nese concello.
A titularidade dos bens corresponde á Comunidade Autónoma de Galicia, en virtude do Real decreto 3317/1982 (BOE n.º 291, do 4 de decembro), modificado polo Real decreto 2708/1983 (BOE n.º 255, do 25 de outubro) sobre transferencias de funcións e servizos da Administración do Estado á Comunidade Autónoma de Galicia en materia de estradas.
Os bens inmobles foron desafectados do dominio público mediante Decreto 291/2003, do 4 de xuño (DOG n.º 124, do 27 de xuño), Decreto 276/2008, do 27 de novembro (DOG n.º 247, do 22 de decembro), Decreto 69/2009, do 26 de marzo (DOG n.º 68, do 8 de abril), Decreto 214/2010, do 16 de decembro (DOG n.º 249, do 29 de decembro), e Decreto 29/2011, do 10 de febreiro (DOG n.º 39, do 25 de febreiro). Pola Orde do 23 de xuño de 2009 (DOG n.º 153, do 6 de agosto), do 12 de abril de 2010 (DOG n.º 88, do 11 de maio), do 1 de febreiro de 2011 (DOG n.º 40, do 28 de febreiro), e do 4 de marzo de 2011 (DOG n.º 62, do 29 de marzo) declarouse a súa alleabilidade.
A Secretaría Xeral Técnica e do Patrimonio, dependente da Consellería de Facenda, tramitou o expediente de cesión dos inmobles de acordo co previsto nos artigos 83 e seguintes do Regulamento que desenvolve a Lei 3/1985, do patrimonio da Comunidade Autónoma.
Na súa virtude, por proposta da conselleira de Facenda, e logo da deliberación do Consello da Xunta de Galicia, na súa reunión do día dezaseis de marzo de dous mil doce,
DISPOÑO:
Acórdase as cesións, a título gratuíto, da propiedade dos bens inmobles que se describen a continuación:
-
A favor do concello de Cesuras o inmoble situado no lugar de Rexidoira n.º 1, punto quilométrico 41,500 da estrada C-540 Betanzos-Agolada, no concello de Cesuras, de planta baixa de 109 m2, sobre soar de superficie total de 382 m2, que estrema: norte, José María Casal Sánchez e Manuela Sánchez Seoane; sur, estrada C-540; leste, Manuela Sánchez Seoane; e oeste, José María Casal Sánchez. Correspóndese coas referencias catastrais 15026A036002810000QY e 000400200NH67F0000GF.
Inscrito no Rexistro da Propiedade de Betanzos ao tomo 2023, libro 135, folio 150, predio 15.380.
-
A favor do concello de Mañón o soar situado no punto quilométrico 58,200 da estrada C-642, Ribadeo-Ferrol, lugar do Barqueiro, municipio de Mañón (A...
Para continuar leyendo
Solicita tu prueba