Decreto 56/2004, do 25 de marzo, de asunción das funcións e servizos transferidos á Comunidade Autónoma de Galicia, mediante o Real decreto 368/2004, do 5 de marzo, sobre ampliación dos medios patrimoniais traspasados á Comunidade Autónoma de Galicia polo Real decreto 3317/1982, do 24 de xullo, en materia de estradas e a súa asignación á Consellería de Política Territorial, Obras Públicas e Vivenda.
| Sección | I. Disposicións Xerais |
| Emisor | CONSELLERÍA DA PRESIDENCIA, RELACIÓNS INSTITUCIONAIS E ADMINISTRACIÓN PÚBLICA |
| Rango de Ley | Decreto |
Polo Real decreto 368/2004, do 5 de marzo, amplíanse os medios patrimoniais traspasados pola Administración do Estado á Comunidade Autónoma de Galicia polo Real decreto 3317/1982, do 24 de xullo, en materia de estradas.
Procede, en virtude do citado traspaso, asumir de forma expresa tales medios patrimoniais nos termos e condicións especificadas no acordo da Comisión Mixta de Transferencias e asignalos aos órganos correspondentes da Administración autonómica galega.
Na súa virtude, por proposta do conselleiro da Presidencia, Relacións Institucionais e Administración Pública e logo de deliberación do Consello da Xunta de Galicia na súa reunión do día vinte e cinco de marzo de dous mil catro,
DISPOÑO:
Quedan asumidos os medios patrimoniais traspasados pola Administración do Estado á Comunidade Autónoma de Galicia en virtude do Real decreto 368/2004, do 5 de marzo, polo que se amplían os medios patrimoniais traspasados pola Administración do Estado á Comunidade Autónoma de Galicia en materia de estradas.
-
Asígnanselle á Consellería de Política Territorial, Obras Públicas e Vivenda os medios patrimoniais asumidos de conformidade co disposto no artigo anterior.
-
Os órganos da Consellería de Política Territorial, Obras Públicas e Vivenda exercerán as atribucións que lles correspondan conforme as normas que regulan a súa estrutura.
Disposicións derradeiras
Primeira.-Facúltase o conselleiro de Política Territorial, Obras Públicas e Vivenda para ditar cantas disposicións sexan necesarias para o desenvolvemento e execución deste decreto e para adoptar as
medidas precisas para a plena efectividade e executividade práctica das funcións e servizos traspasados.
Segunda.-Este decreto entrará en vigor o día seguinte ao da súa publicación no Diario Oficial de Galicia.
Santiago de Compostela, vinte e cinco de marzo de dous mil catro.
Manuel Fraga Iribarne
Presidente
Jaime Pita Varela
Conselleiro da Presidencia, Relacións Institucionais
e Administración Pública
Para continuar leyendo
Solicita tu prueba