Decreto 77/2006, do 11 de maio, polo que se declara a utilidade pública e interese social e se dispón a urxente ocupación dos bens e dereitos ubicados no recinto do Centro de Tratamento de Residuos Industriais de Galicia, afectados pola ampliación das instalacións para a xestión dos residuos contaminados con hidrocarburos, nas Somozas (A Coruña).
Sección | III. Outras Disposicións |
Emisor | CONSELLERÍA DE MEDIO AMBIENTE E DESENVOLVEMENTO SOSTIBLE |
Rango de Ley | Decreto |
A Sociedade Galega de Residuos Industriais, S.A. (Sogarisa), resultou adxudicataria dun contrato administrativo de xestión de servizos públicos formalizado con data do 12 de maio de 1995 para o deseño, construción, explotación, mantemento de instalacións e equipos de recollida, transporte, almacenamento e, en xeral, a xestión dos residuos industriais, así como aqueles que sexan tóxicos e perigosos, dentro do ámbito da Comunidade Autónoma de Galicia. Neste senso, as obras, instalacións e, en xeral, os bens de todas clases, entregados a Sogarisa para o cumprimento do contrato de xestión da planta de tratamento de residuos industriais de Galicia, ao comezo deste e posteriormente, durante a súa vixencia, forman parte do conxunto de bens da Administración pública galega.
A comisión mixta Administración xeral do Estado-Xunta de Galicia para o seguimento das actuacións derivadas do afundimento do buque Prestige, con data do 14 de outubro de 2003, acordou proporlle á empresa Sogarisa a realización dos traballos de tratamento dos residuos recollidos como consecuencia do accidente do Prestige. O 6 de xuño de 2005,
asínase un convenio de colaboración pola Consellería de Medio Ambiente e Desenvolvemento Sostible e a Sociedade Galega de Residuos Industriais, S.A. (Sogarisa) para culminar co proceso de xestión destes residuos.
Con data do 8 de marzo de 2006, a Sociedade Galega de Residuos Industriais, S.A. (Sogarisa), solicitou a expropiación forzosa polo procedemento de urxencia, dos bens e dereitos afectados pola construción das instalacións de ampliación do Centro de Tratamento de Residuos Industriais de Galicia, así como a declaración da urxente ocupación dos terreos necesarios para a execución das ditas obras, de conformidade co previsto no artigo 52 da Lei de expropiación forzosa, do 16 de decembro de 1954, así coma no artigo 56 do Regulamento que a desenvolve, aprobado polo Decreto do 26 de abril de 1957.
O proxecto técnico e de explotación da planta de xestión e valorización de residuos contaminados con hidrocarburos, presentado xunto coa solicitude de expropiación forzosa, foi aprobado por resolución da Dirección Xeral de Calidade e Avaliación Ambiental con data do 21 de marzo de 2006, pola que se autoriza a empresa Sogarisa a xestión dos residuos perigosos procedentes do Prestige nas instalacións das Somozas. Esta expropiación posibilitará a xestión dos residuos contaminados por hidrocarburos, principalmente xenerados polo...
Para continuar leyendo
Solicita tu prueba