Decreto 2/2009, do 8 de xaneiro, polo que se acorda a intervención administrativa da Confraría de Pescadores de Sada.
Sección | III. Outras Disposicións |
Emisor | CONSELLERÍA DE PESCA E ASUNTOS MARÍTIMOS |
Rango de Ley | Decreto |
A Lei 9/1993, do 8 de xullo, de confrarías de pescadores de Galicia, establece no seu artigo 1.2º que as confrarías de pescadores quedan suxeitas á tutela da Administración pública galega, que será exercida a través da Consellería de Pesca e Asuntos Marítimos.
No desenvolvemento da citada norma ditouse o Decreto 261/2002, do 30 de xullo, polo que se aproban as normas reguladoras das confrarías de pescadores e as súas federacións, que regula no seu artigo 3 a suxeición das confrarías á tutela da Consellería de Pesca e Asuntos Marítimos.
De acordo co informe correspondente ás contas anuais do exercicio 2007 da Confraría de Pescadores de Sada, a confraría atópase nunha situación económico-financeira de insolvencia patrimonial como consecuencia da acumulación de perdas en exercicios anteriores e a imposibilidade de xerar recursos suficientes, e o seu fondo de manobra é negativo, polo que carece de liquidez para afrontar o vencemento de todas as débedas a curto prazo. Tal situación implica un alto risco sobre a continuidade e normal funcionamento da entidade.
De conformidade co disposto polo artigo 64, alínea 3.b, do Decreto 261/2002, procederá, en todo caso, a intervención administrativa, sen necesidade de requirimento previo, cando a confraría, mediante acordo adoptado por maioría absoluta dos membros da xunta xeral, presente solicitude de intervención administrativa.
O pasado día 30 de decembro de 2008, a xunta xeral adoptou por unanimidade o acordo de solicitar a intervención administrativa da confraría co fin de tratar de atopar unha viabilidade futura e evitar o cesamento da súa actividade económica.
Xa que logo, ante a grave situación patrimonial que está atravesando a Confraría de Pescadores de Sada, que pon en perigo a súa existencia, e dada a conveniencia para o interese social da continuidade da confraría, é necesaria a adopción da medida prevista no artigo 64 do Decreto 261/2002, e, por proposta da conselleira de Pesca e Asuntos Marítimos, e logo de deliberación do Consello da Xunta de Galicia, na súa reunión do día oito de xaneiro de dous mil nove,
DISPOÑO:
Decretar a intervención administrativa da Confraría de Pescadores de Sada como consecuencia da súa grave situación económica e patrimonial, que pon en perigo a súa existencia como corporación de dereito público, ao abeiro do disposto no artigo 64 do Decreto 261/2002, do 30 de xullo, polo que se aproban as normas...
Para continuar leyendo
Solicita tu prueba