Resolución do 24 de xaneiro de 2006 pola que se convocan probas de selección de alumnos para a promoción 2006/2008, para a Sección de Especialización da Escola de Altos Estudos Musicais (EAEM).
| Sección | III. Outras Disposicións |
| Emisor | INSTITUTO GALEGO DAS ARTES ESCÉNICAS E MUSICAIS |
| Rango de Ley | Resolución |
O Decreto 270/1997 do 18 de setembro, polo que se crea a Escola de Altos Estudos Musicais de Galicia (DOG nº 191, do 3 de outubro) recolle, dentro do funcionamento da escola, a Sección de Especialización. Nesta sección preténdese achegar e achegar ao panorama dos estudos musicais na Comunidade Autónoma de Galicia a oportunidade de perfeccionamento instrumental dos xoves e descoñecidos valores, como un medio para acadar un maior perfeccionamento nas súas distintas especialidades mediante a formación individualizada de cara á súa integración profesional ao máis alto nivel.
Con esta finalidade, o IGAEM convoca probas para a admisión e selección de alumnos, de cara á promoción 2006/2008, e conforme coas seguintes bases:
-
Consonte co Decreto 270/1997, do 18 de setembro, polo que se crea a Escola de Altos Estudos Musicais de Galicia, e segundo se sinala no artigo 6 do citado decreto, convócanse probas para elaborar e confeccionar listas na sección de especialización, co fin de cubrir as prazas de alumnos activos dispoñibles, en función das posibilidades e necesidades da escola, nas seguintes especialidades:
ViolínViolaViolonchelo
ContrabaixoÓboeFrauta
ClarineteFagotTrompa
TrompetaPercusiónTrombón
-
A escola manterá un mínimo de 30 prazas de alumnos activos. Aqueles que, reunindo os requisitos para formar parte do alumnado da escola, non acaden a puntuación necesaria para seren alumnos activos, pasarán a integrar unha lista de espera, que terá un período de validez dun ano. Todos/as os/as admitidos/as nas listas terán dereito á asistencia gratuíta ás clases e cursos maxistrais que organice a escola.
-
Terán preferencia para optar a estas prazas nas listas aqueles músicos galegos ou residentes en Galicia, menores de 25 anos de idade, que estean en posesión do título de Grao Superior de Conservatorio e os que acrediten, a xuízo do tribunal, un nivel suficiente no dominio instrumental.
-
O programa terá unha duración total de dous anos, dividido en dous períodos anuais, desde o 1 de outubro de 2006 ata o 30 de xuño de 2008, segundo o calendario que se estableza por parte da dirección da escola. Excepcionalmente, poderase engadir un terceiro período.
Todos/as os/as alumnos/as activos deberán pasar un exame ao remate do primeiro ano, como requisito imprescindible para poder cursar o segundo. O tribunal de valoración desta proba será designado pola dirección do centro. Ao finalizar o segundo curso haberá un exame final.
-
A condición de alumno da Escola de Altos Estudos Musicais de Galicia, Sección de Especialización, non supón pagamento ou aboamento ningún por dereitos de matrícula ou similar.
-
As solicitudes desta convocatoria poderán presentarse, segundo o modelo anexo, ata o día 17 de abril de 2006 no Rexistro do IGAEM (rúa Vesada s/n, San Lázaro, CP 15703 de Santiago de Compostela), ben persoalmente, ben por calquera dos medios establecidos no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común. Quen opte por presentar a súa solicitude nun rexistro diferente ao do IGAEM, deberá comunicalo por telegrama ou fax dentro de prazo, e deberá así mesmo anunciar o envío da solicitude mediante fax, telefax ou telegrama no mesmo día da súa remisión. Sen a concorrencia de ambos os dous requisitos non será admitida a solicitude, de ser recibida no IGAEM con posterioridade á data de remate do prazo.
As solicitudes irán acompañadas da seguinte documentación:
-Dúas copias das obras que se interpretarán libremente (coa parte de piano, se a tivese, para o pianista acompañante).
-Fotocopia do título de grao medio ou superior ou da certificación de estudos correspondente, ou declaración persoal deste.
-Fotocopia do DNI, NIF ou equivalente.
-Curriculum vitae e fotocopia da documentación acreditativa dos méritos que se aleguen.
-Fotocopia do certificado de residencia ou declaración persoal deste.
-Unha fotografía tamaño carné.
Soamente se pedirán documentos orixinais ou compulsados aos alumnos que superen as probas no momento de formalizar a súa matrícula, sendo entón imprescindible a súa presentación.
-
Rematado o prazo de...
Para continuar leyendo
Solicita tu prueba