Resolución do 25 de xuño de 2009, da Secretaría Xeral da Emigración, pola que se establecen e se regulan os programas de bolsas destinadas aos cidadáns galegos residentes no exterior para a realización de estudos universitarios e de formación profesional durante o curso académico 2009-2010.
Sección | III. Outras Disposicións |
Emisor | CONSELLERÍA DE PRESIDENCIA, ADMINISTRACIÓNS PÚBLICAS E XUSTIZA |
Rango de Ley | Resolución |
Após a publicación do Decreto 79/2009, do 19 de abril, polo que se establece a estrutura orgánica da Xunta de Galicia, o Decreto 82/2009, do 21 de abril, polo que se establecen os centros directivos dependentes da Presidencia da Xunta de Galicia e o Decreto 325/2009, do 18 de xuño, de estrutura orgánica dos órganos superiores dependentes da Presidencia da Xunta de Galicia, a Secretaría Xeral da Emigración configúrase como o órgano superior da Administración da Comunidade Autónoma ao que lle corresponden, entre outras, as competencias en materia de desenvolvemento da Lei 4/1983, do 15 de xuño, de recoñecemento da galeguidade, as relacións coas comunidades galegas no exterior, así como a confección e xestión dos programas de formación ou especialización a elas dirixidos.
Así mesmo, a disposición adicional segunda do Decreto 325/2009, do 18 de xuño, de estrutura orgánica dos órganos superiores dependentes da Presidencia da Xunta de Galicia desconcentra no secretario xeral da Emigración a competencia para a aprobación das bases, a convocatoria e a resolución das axudas e subvencións do seu respectivo ámbito de competencia.
Esta resolución abrangue a convocatoria anual e as bases reguladoras dos programas de bolsas destinadas aos cidadáns galegos residentes no exterior para a realización de estudos universitarios e de formación profesional durante o curso académico 2009-2010.
O primeiro dos programas convocados pretende que os estudantes residentes no estranxeiro poidan realizar estudos conducentes á obtención do título de licenciado, enxeñeiro, arquitecto, diplomado, mestre, enxeñeiro técnico e arquitecto técnico ou a nova titulación de graduado. Búscase que estes mozos e mozas poidan formarse no eido cultural e educativo galego, dentro das súas institucións académicas, para que posteriormente desenvolvan o seu labor profesional, ao mesmo tempo que se contribúe ao fortalecemento das súas orixes galegas.
Para acadar a finalidade pretendida, cóntase coa colaboración da Secretaría Xeral de Universidades da Consellería de Educación e Ordenación Universitaria que participa tanto no financiamento do programa como na selección dos beneficiarios a través da súa presenza na comisión seleccionadora dos expedientes. Esta participación pon de manifesto o seu interese en promover un programa que contribúa ao financiamento de estudos universitarios nas universidades do sistema universitario de Galicia.
O segundo programa de bolsas está dirixido a axudar a sufragar os gastos derivados da realización de estudos de terceiro ciclo (etapa de formación) así como da realización de estudos universitarios que conducen á obtención do título de máster universitario.
O Real decreto 1393/2007, do 29 de outubro, polo que se establece a ordenación das ensinanzas universitarias oficiais, establece que as ensinanzas de máster teñen como finalidade a adquisición polo estudante dunha formación avanzada, de carácter especializado ou multidisciplinar, orientada á especialización académica ou profesional ou ben promover a iniciación en tarefas investigadoras.
O establecemento dos novos títulos de máster universitario constitúe unha das modificacións de máis transcendencia no proceso europeo de cambio estrutural das ensinanzas universitarias e supón un gran reto para as universidades e a administración educativa que se ven obrigadas ao desafío de impulsar estudos de posgrao de máxima calidade. En Galicia, a reforma plásmase na aprobación dos decretos 51/2006, do 23 de marzo e 13/2007, do 1 de febreiro, polo que se autoriza a implantación de estudos oficiais de posgrao nas universidades do sistema universitario de Galicia.
Así pois, a Secretaría Xeral da Emigración pretende fomentar a especialización académica, a profesionalización e a iniciación á investigación dos galegos con titulación universitaria residentes no estranxeiro, tendo en conta a oferta de estudos de terceiro ciclo e de ensinanzas de máster que proporcionen as universidades que comprenden o sistema universitario de Galicia: Santiago de Compostela, A Coruña e Vigo.
O terceiro programa de bolsas, para a realización de estudos de formación profesional de grao superior convócase en colaboración coa Dirección Xeral de Educación, Formación Profesional e Innovación Educativa da Consellería de Educación e Ordenación Universitaria. Os estudos de formación profesional teñen por finalidade preparar os/as alumnos/as para a actividade nun campo profesional e facilitar a súa adaptación ás modificacións laborais que poden producirse ao longo da súa vida, así como contribuír ao seu desenvolvemento persoal, ao exercicio da cidadanía democrática e á aprendizaxe permanente.
O procedemento de concesión destas bolsas realizarase en réxime de concorrencia competitiva, mediante a comparación e avaliación dos méritos achegados polos solicitantes co fin de establecer una prelación entre estes de acordo cos criterios de valoración que se establecen e respectando os principios de obxectividade, igualdade e non-discriminación.
En virtude do exposto, e no exercicio das competencias atribuídas pola disposición adicional segunda do Decreto 325/2009, do 18 de xuño, de estrutura orgánica dos órganos superiores dependentes da Presidencia da Xunta de Galicia e de conformidade co disposto no Decreto lexislativo 1/1999, do 7 de outubro, polo que se aproba o texto refundido da Lei de réxime financeiro e orzamentario de Galicia, a Lei 38/2003, do 17 de novembro, xeral de subvencións, a Lei 9/2007, do 13 de xuño, de subvencións de Galicia, o Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia, a Lei 4/2006, do 30 de xuño, de transparencia e boas prácticas na Administración pública galega, a Lei 30/1992, do 26 de novembro, de réxime xurídico das administracións públicas e do procedemento administrativo común e demais normativa de desenvolvemento, logo de informe da Asesoría Xurídica e da Intervención Delegada deste órgano,
DISPOÑO:
Capítulo I
Programas de bolsas 2009-2010
Sección primeira
Programa 1: bolsas para a realización de estudos universitarios de carácter oficial e validez en todo o territorio nacional en calquera das tres universidades de Galicia
Esta resolución ten por obxecto a convocatoria, en réxime de concorrencia competitiva, de bolsas de nova adxudicación ou a súa prórroga, para a realización de estudos presenciais universitarios conducentes á obtención do título de licenciado, enxeñeiro, arquitecto, diplomado, mestre, enxeñeiro técnico e arquitecto técnico ou a nova titulación de graduado en calquera das tres universidades galegas.
As ditas bolsas terán como finalidade axudar a sufragar parte dos gastos académicos derivados dos estudos (incluídas as taxas académicas correspondentes aos estudos elixidos), da estadía, manutención e da viaxe de ida e volta entre o lugar de residencia no estranxeiro e a Comunidade Autónoma de Galicia.
Poderán solicitar estas axudas os galegos e os seus descendentes ata o segundo grao, que cumpran os seguintes requisitos:
-
Residencia no estranxeiro do solicitante da bolsa.
-
No caso de solicitar unha prórroga da bolsa concedida en convocatorias anteriores, o solicitante deberá acreditar a residencia da súa unidade económica familiar no estranxeiro e ter superados o 75% das materias ou créditos nos que estivo matriculado no curso 2008-2009, incluíndo o proxecto fin de carreira.
-
Estar admitido/a para cursar estudos presenciais conducentes á obtención do título de licenciado, enxeñeiro, arquitecto, diplomado, mestre, enxeñeiro técnico e arquitecto técnico ou a nova titulación de graduado durante o curso 2009-2010, na universidade de Santiago de Compostela, A Coruña ou Vigo. Os beneficiarios das bolsas deberán estar matriculados en, como mínimo, 50 créditos, incluído neles o proxecto fin de carreira.
Os solicitantes das bolsas deberán achegar a seguinte documentación:
-
Solicitude segundo o modelo normalizado (anexo I).
-
Fotocopia compulsada do seu documento nacional de identidade, pasaporte en vigor ou doutro documento acreditativo da identidade e nacionalidade do solicitante.
-
Documentación xustificativa que acredite a súa condición de galego ou ascendencia galega.
-
Acreditación da residencia no estranxeiro do solicitante da bolsa mediante o correspondente certificado de inscrición no Rexistro de Matrícula Consular correspondente á demarcación na que teña o seu domicilio. No caso de non posuír a nacionalidade española, o solicitante deberá achegar a documentación oficial que acredite a súa residencia no estranxeiro.
As persoas que soliciten unha prórroga da bolsa concedida en convocatorias anteriores, deberán acreditar a residencia no estranxeiro da súa unidade económica familiar mediante a presentación dos correspondentes certificados de inscrición no Rexistro de Matrícula Consular. Todas as certificacións presentadas deberán ser expedidas con data posterior á de publicación desta convocatoria.
-
Documentación xustificativa da súa admisión nos estudos para os que se solicita a...
Para continuar leyendo
Solicita tu prueba