Resolución do 30 de xullo de 2009 pola que se aproban as bases reguladoras para a concesión de subvencións a concellos de Galicia, en réxime de concorrencia competitiva, para a realización de obras de construción, mellora, acondicionamento e reforma de instalacións e espazos deportivos e para a adquisición de equipamentos deportivos e pola que se convocan as correspondentes ao ano 2009.
| Sección | III. Outras Disposicións |
| Emisor | CONSELLERÍA DE PRESIDENCIA, ADMINISTRACIÓNS PÚBLICAS E XUSTIZA |
| Rango de Ley | Resolución |
O Estatuto de autonomía de Galicia, Lei orgánica 1/1981, do 6 de abril, recolle, no seu artigo 27.22º, a competencia da Comunidade Autónoma de Galicia en materia de promoción do deporte. O Decreto 82/2009, do 21 de abril, establece os centros directivos dependentes da Presidencia da Xunta de Galicia, e crea a Secretaría Xeral para o Deporte.
Mediante as subvencións que se aproban nesta resolución preténdese a colaboración cos concellos da Comunidade Autónoma de Galicia, para a mellora das instalacións e espazos deportivos de titularidade municipal e para a adquisición dos equipamentos deportivos precisos para o axeitado desenvolvemento da práctica deportiva, co gallo do fomento da actividade física enmarcado nun estilo de vida saudable.
Os aspectos máis destacados da acción programada contéñense nas bases que regulan o réxime de outorgamento das subvencións, nas que se identifica con claridade aos beneficiarios e ás actuacións subvencionables, para establecer posteriormente os trámites esenciais do procedemento administrativo así como os requisitos para a xustificación da realización das distintas actuacións.
O outorgamento das subvencións será efectuado baixo estritos criterios obxectivos que se explicitan con suficiente detalle no artigo 4º.
Nos orzamentos xerais da Secretaría Xeral para o Deporte existe crédito axeitado e suficiente para as axudas que son obxecto desta convocatoria.
Esta resolución, así como as bases reguladoras que establece, adáptanse á Lei 9/2007, do 13 de xuño, de subvencións de Galicia, ao Decreto 11/2009, do 8 de xaneiro, polo que se aproba o Regulamento da Lei 9/2007, que desenvolve o réxime de axudas públicas da Comunidade Autónoma de Galicia, así como aos preceptos básicos da Lei 38/2003, do 17 de novembro, xeral de subvencións, conxunto normativo no que se establecen os requisitos xerais das subvencións concedidas pola administración autonómica, tendo en conta, en todo caso, os principios de publicidade, obxectividade e concorrencia.
Polo exposto, e en uso das facultades que teño atribuídas pola lexislación vixente de aplicación,
DISPOÑO:
Esta resolución ten por obxecto establecer as bases reguladoras e proceder á convocatoria para o ano 2009, en réxime de concorrencia competitiva, de subvencións para os dous tipos de actuacións que se detallan a continuación, e de acordo cos requisitos que se establecen no artigo seguinte:
-Construción, mellora, acondicionamento e reforma de instalacións e espazos deportivos.
-Adquisición de equipamentos deportivos.
Poderán acollerse a estas subvencións as actuacións que se describen neste artigo sempre que se realicen no periodo comprendido entre o 1 de xaneiro de 2009 e a data de xustificación dos investimentos establecida no artigo 11º.
Só resultarán susceptibles de ser subvencionadas aquelas actuacións que resulten incluídas nalgúns dos seguintes epígrafes, atendendo á necesidade ou fin a satisfacer:
-
Construción, mellora, acondicionamento e reforma de instalacións e espazos deportivos de titularidade pública que se detallan nos parágrafos seguintes, sempre que, polo importe ao que ascenden, poidan ser realizadas baixo a modalidade de contrato menor de acordo co establecido nos artigos 95 e 122 da Lei 30/2007, do 30 de outubro, de contratos do sector público.
-
Actuacións de nivel 1:
-Pistas multideportivas ao aire libre.
-Circuítos biosaudables ao aire libre: obras necesarias para a instalación dos aparellos para a realización dos exercicios.
-Rutas de sendeirismo e ciclismo, incluindo a súa correcta sinalización.
-Rutas para a carreira incluíndo a súa correcta sinalización.
-Circuítos urbanos para camiñar, incluíndo a súa correcta sinalización.
-Espazos para a práctica da patinaxe: patíns e skate.
-
Actuacións de nivel 2:
-Instalacións para deportes tradicionais.
-Pistas de pádel.
-
Actuacións de nivel 3:
-Outras instalacións ou espazos.
Non serán obxecto de subvención as actuacións que pretendan a conservación e o mantemento ordinario das instalacións e os espazos deportivos (reposición de vidros, pintado interior/exterior e análogas).
-
-
Adquisición de equipamento deportivo inventariable. Só resultarán susceptibles de ser subvencionadas aquelas actuacións dirixidas á adquisición de equipamento deportivo inventariable consistente nun conxunto de ata 8 aparellos para a realización de exercicios nos circuítos biosaudables, e prioritariamente destinados ás persoas de 65 ou máis anos.
-
Poderán ser beneficiarios das subvencións que se regulan nesta resolución os concellos do territorio da Comunidade Autónoma de Galicia.
Os beneficiarios deberán acreditar a propiedade do inmoble ou instalación de que se trate ou posuír dereitos temporais para o seu uso e desfrute non inferiores a 10 anos ou, no caso de rutas ou circuítos, acreditar que o seu trazado discorre por camiños ou vías de dominio público.
-
Non poderán obter a condición de beneficiarios das subvencións reguladas nestas bases as persoas ou entidades en quen concorra algunha das circunstancias sinaladas nos puntos 2 e 3 do artigo 10 da Lei 9/2007, do 13 de xuño, de subvencións de Galicia.
-
Así mesmo, non poderán obter a condición de beneficiarios os concellos que resultasen beneficiarios de subvención ao abeiro da Orde do 5 de marzo de 2008 pola que se aproban as bases reguladoras para a concesión de subvencións, en réxime de concorrencia competitiva, para a realización de obras de infraestruturas deportivas de titularidade pública ou privada e para a adquisición de equipamentos deportivos e pola que se convocan as correspondentes ao ano 2008 (DOG nº 50, do 11/03/2008), e non xustificasen axeitadamente a realización da actuación subvencionada, sen presentar renuncia expresa e por razóns xustificadas aceptada pola Secretaría Xeral para o Deporte.
-
As subvencións que se regulan nesta resolución son compatibles con outras subvencións ou axudas para a mesma finalidade, procedentes de calquera outra administración ou de entes públicos ou privados, nacionais, da Unión Europea ou de organismos internacionais, sen prexuízo da obriga de comunicar ao órgano concedente a súa obtención.
A proposta de outorgamento da subvención formularaa o órgano instrutor, á vista dos traballos levados a cabo pola comisión avaliadora, unha vez aplicados os criterios de valoración, e logo da agrupación ou ordenación das diversas solicitudes nas respectivas epígrafes ou finalidades perseguidas con esta resolución, co obxecto de garantir que a competencia entre os proxectos ou accións concorrentes se produza entre accións de dimensións similares e que persigan finalidades análogas. O outorgamento das subvencións determinarase atendendo aos seguintes criterios obxectivos de valoración das respectivas solicitudes:
-
Criterios que se van considerar para infraestruturas:
-
Programa de actividades para 2009 que se levará a cabo na instalación ou espazo deportivo para a que se solicita a subvención. Ata 30 puntos.
-Actividades deportivas para poboación de 65 ou máis anos: valorarase a calidade do programa, ata 10 puntos, en función de:
-Obxectivos formulados: ata 2 puntos.
-Os contidos que se van desenvolver: ata 2 puntos.
-A súa temporalización: ata 2 puntos.
-Os criterios de avaliación formulados: ata 1 punto.
-As actuacións de promoción do uso da instalacións: ata 3 puntos.
-Actividades deportivas para poboación de 15 a 25 anos: valorarase a calidade do programa, ata 10 puntos, en función de:
-Obxectivos formulados: ata 2 puntos.
-Os contidos que se van desenvolver: ata 2 puntos.
-A súa temporalización: ata 2 puntos.
-Os criterios de avaliación formulados: ata 1 punto.
-As actuacións de promoción do uso da instalacións: ata 3 puntos.
-Incidencia na poboación do medio rural: ata 5 puntos.
-Actividades para persoas con discapacidade: ata 5 puntos
-
Número de habitantes: Ata 30...
-
Para continuar leyendo
Solicita tu prueba