Decreto 88/2005, do 21 de abril, polo que se aproba o cambio de titularidade da estrada provincial 0601 de Arzúa á ponte de San Xusto por Dombodán a prol da Comunidade Autónoma de Galicia.
Sección | III. Outras Disposicións |
Emisor | CONSELLERÍA DE POLÍTICA TERRITORIAL, OBRAS PÚBLICAS E VIVENDA |
Rango de Ley | Decreto |
En exercicio das competencias atribuídas á Xunta de Galicia pola normativa reguladora en materia de coordinación e planificación de estradas, o Consello da Xunta mediante acordo do 18 de xullo de 1991 aprobou o Plan de estradas de Galicia, no que se recolle a estrada Corredoiras-Vila de Cruces-Lalín.
O carácter supraprovincial desta vía de comunicación unido a súa posición territorial estratéxica coma eixe fundamental de comunicación interior norte-sur, xunto coa autoestrada AP-9, determinan o interese autonómico na súa titularidade, pois, ademais de posibilitar unha mellor estruturación e articulación interior, serve de infraestrutura de conexión entre as cabeceiras comarcais e os núcleos de poboación importantes polos que atravesa.
As ditas razóns foron determinantes para incluír no Decreto 308/2003, do 26 de xullo, polo que se establece a relación de estradas de titularidade autonómica -DOG do 21 de xullo- a citada infraestrutura de transporte, en cumprimento do artigo 4 da Lei 4/1994, do 14 de setembro, de estradas de Galicia, coa nova denominación de AC-905 Vila de Cruces-límite provincia- Arzúa.
Tendo en conta que a mera inclusión desta no anexo do Decreto 308/2003 como estrada de titularidade autonómica non pode supor un cambio de titularidade do ben, e constatada a titularidade local da estrada AC-905 logo da análise da documentación existente na Xunta de Galicia, por parte desta última Administración existe interese en que a dita infraestrutura se integre na rede autonómica de estradas mediante o cambio da súa titularidade consonte o procedemento previsto no artigo 5 da Lei 4/1994, do 14 de setembro, de estradas de Galicia, polas razóns expostas anteriormente.
O 23 de decembro de 2004 o pleno da Deputación Provincial da Coruña adoptou acordo de aprobación
do expediente que ocasiona a transferencia de titularidade da E.P. 0601 de Arzúa á ponte de San Xusto por Dombodán á Xunta de Galicia, para que forme parte da rede de estradas de titularidade autonómica.
Conforme o sinalado no artigo 5 da Lei 4/1994, do 14 de setembro, de estradas de Galicia, tras o acordo entre as administracións afectadas, por proposta do vicepresidente primeiro e conselleiro de Política Territorial, Obras Públicas e Vivenda e logo de deliberación da Xunta de Galicia en reunión do día vinte e un de abril de dous mil cinco.
DISPÓN:
Aprobar o cambio de titularidade a favor da Comunidade Autónoma de Galicia da...
Para continuar leyendo
Solicita tu prueba