Decreto 76/2008, do 10 de abril, polo que se aproba o cambio de titularidade do treito da estrada autonómica PO-314, p.k. 0+000 ao 0+720, e do treito da estrada PO-551, p.k. 24+700 ao 26+050, a prol do Concello de Moaña.
| Sección | III. Outras Disposicións |
| Emisor | CONSELLERÍA DE POLÍTICA TERRITORIAL, OBRAS PÚBLICAS E TRANSPORTES |
| Rango de Ley | Decreto |
O 12 de decembro de 2005 o Concello de Moaña solicitou, logo de acordo da Xunta de Goberno Local, a transferencia do tramo urbano da PO-314, rúa Daniel Castelao, e da PO-551, rúa Ramón Cabanillas.
O 5 de xullo de 2007 o Concello de Moaña asinou un convenio de colaboración coa Consellería de Política Territorial, Obras Públicas e Transportes para a mellora da seguridade viaria na PO-314, avenida Daniel Castelao, p.k. 16+600 ao 17+350.
Na claúsula segunda o Concello de Moaña dá a súa conformidade e aceptación da transferencia da titularidade da vía obxecto do mencionado convenio ao seu favor, de tal xeito que se procede ao inicio do procedemento administrativo da transferencia.
O 20 de agosto de 2007 o Servizo de Conservación e Explotación da Dirección Xeral de Obras Públicas emite informe favorable ao cambio de titularidade a prol do Concello de Moaña do treito da rúa Ramón Cabanillas: estrada PO-551 (Marín (PO-546) - Rande (N-554)), p.k. 24+700 ao 26+050.
O 21 de agosto de 2007 a Dirección Xeral de Obras Públicas dá a súa conformidade á proposta formulada polo devandito servizo e a Subdirección Xeral de Conservación e Explotación.
O 17 de outubro de 2007 o Servizo de Conservación e Explotación da Dirección Xeral de Obras Públicas emite informe favorable ao cambio de titularidade a prol do Concello de Moaña do treito da avenida Daniel Castelao: estrada PO-314 (Moaña (PO-551) - Porto do Con), p.k. 0+000 ao 0+720.
O 19 de outubro de 2007 a Dirección Xeral de Obras Públicas dá a súa conformidade á proposta formulada polo devandito servizo e a Subdirección Xeral de Conservación e Explotación.
O 20 de novembro de 2007 o Concello de Moaña manifesta a súa aceptación ao exposto en ambos os informes-proposta.
As estradas PO-314 (da rede secundaria) e PO-551 (da rede primaria básica) son susceptibles de cesión ao Concello por estaren incluídas no Decreto 308/2003, do 26 de xuño, polo que se aproba a relación de estradas de titularidade da Comunidade Autónoma de Galicia.
O artigo 54 da Lei 4/1994, do 14 de setembro, de estradas de Galicia establece que as estradas autonómicas ou provinciais, ou os treitos determinados delas, nas que a circulación adquira características urbanas se entregarán aos concellos respectivos.
Tanto no treito da rúa Ramón Cabanillas, estrada PO-551 (Marín (PO-546) - Rande (N-554)), p.k. 24+700 ao 26+050, como no treito da avenida Daniel Castelao, que coincide coa totalidade da...
Para continuar leyendo
Solicita tu prueba