Decreto 59/2008, do 13 de marzo, polo que se aproba a oferta de emprego público correspondente a prazas de persoal funcionario dos corpos docentes que imparten as ensinanzas reguladas na Lei orgánica 2/2006, do 3 de maio, de educación, da Comunidade Autónoma de Galicia para o ano 2008.
| Sección | III. Outras Disposicións |
| Emisor | CONSELLERÍA DE EDUCACIÓN E ORDENACIÓN UNIVERSITARIA |
| Rango de Ley | Decreto |
A Lei 4/1988, do 26 de maio, da función pública de Galicia, no seu artigo 29, establece os criterios en que se debe enmarcar a oferta de emprego público, concibida como instrumento de programación das necesidades de persoal e de racionalización do emprego público e dos procesos de selección de persoal, nos cales deben primar os principios constitucionais de igualdade, mérito e capacidade.
O artigo 30 da Lei 16/2007, do 26 de decembro, de orzamentos xerais de Galicia para o ano 2008, determina que o Consello da Xunta de Galicia poderá autorizar, por proposta das consellerías competentes na materia e o informe favorable da Consellería de Economía e Facenda, a convocatoria de prazas vacantes que se considere que poidan afectar o funcionamento dos servizos públicos esenciais, e que se concretarán nos sectores, funcións e categorías profesionais que se consideren absolutamente prioritarios, sen que o número das prazas de novo ingreso poida ser superior ao cento por cento da taxa de reposición de efectivos; esta limitación non é aplicable á Consellería de Educación e Ordenación Universitaria en relación co número de prazas para o acceso ao corpo de funcionarios docentes para o desenvolvemento da Lei orgánica 2/2006, do 3 de maio, de educación.
Polo anterior, e tendo en conta a planificación educativa e as prazas vacantes nos distintos corpos docentes que imparten as ensinanzas reguladas na Lei orgánica 2/2006, do 3 de maio, de educación, cómpre a aprobación da oferta de emprego público relativa aos corpos docentes, no ano 2008.
Na súa virtude, consultada a mesa sectorial docente non universitaria, por proposta da conselleira de Educación e Ordenación Universitaria, logo de informe favorable da Consellería de Economía e Facenda e logo de deliberación do Consello da Xunta de Galicia, na súa reunión do día trece de marzo de dous mil oito,
DISPOÑO:
Apróbase a oferta de emprego público correspondente aos corpos docentes que imparten as ensinanzas reguladas na Lei orgánica 2/2006, do 3 de maio, de educación, para o ano 2008 nos termos que se establecen neste decreto, e...
Para continuar leyendo
Solicita tu prueba