DECRETO 1/2018, do 11 de xaneiro, polo que se modifica o Decreto 37/2017, do 6 de abril, polo que se establece a estrutura orgánica da Consellería de Infraestruturas e Vivenda.
| Sección | I. Disposicións Xerais |
| Emisor | Consellería de Infraestruturas e Vivenda |
| Rango de Ley | Decreto |
O Decreto 37/2017, do 6 de abril, polo que se establece a estrutura orgánica da Consellería de Infraestruturas e Vivenda, regula unha estrutura organizativa que aposta por profundar nunha maior racionalidade e eficacia no desenvolvemento competencial e de xestión das funcións que ten atribuídas a consellería, así como por desenvolver os criterios de mellora continua e de colaboración dentro do sector público reflectidos na Lei 14/2013, do 26 de decembro, de racionalización do sector público autonómico, na actividade desenvolvida por esta nos diferentes ámbitos materiais da súa competencia, para facer máis áxil e eficiente a xestión administrativa.
Nesta liña, levouse a cabo unha reordenación funcional no seo da Dirección Xeral de Mobilidade para, por un lado, adaptarse aos cambios introducidos pola Lei 10/2016, do 19 de xullo, de medidas urxentes para a actualización do sistema de transporte público de Galicia, e a Lei 2/2017, do 8 de febreiro, de medidas fiscais, administrativas e de ordenación neste ámbito material, e, doutro, acadar unha maior axilidade no desenvolvemento da actividade administrativa.
Non obstante, a implementación da primeira fase da planificación do sistema de transporte público de Galicia integrado coa prestación de transporte baixo a demanda que atinxe a 800 liñas, con 10.000 paradas e preto de 5.000 horarios, revelou a necesidade de optimizar a estrutura da Dirección Xeral de Mobilidade para reforzar a área de planificación co fin de avanzar na elaboración do Plan de transporte público de Galicia, previsto na Lei 10/2016, ata rematar, a finais do ano 2019, coa súa implementación.
Por estas razóns, e desde o punto de vista funcional, a novidade máis destacable que se introduce vén constituída pola nova organización que se efectúa na Dirección Xeral de Mobilidade onde se crean dous novos órganos, a Subdirección Xeral de Planificación Técnica do Transporte e o Servizo de Planificación, co obxectivo de reforzar a área de planificación, o que permitirá profundar e mellorar a calidade do estudo e análise das actuacións necesarias de cara á elaboración do Plan de transporte público de Galicia e para acadar a súa implementación a finais do ano 2019.
Na súa virtude, por proposta da conselleira de Infraestruturas e Vivenda, no exercicio da facultade outorgada polo artigo 34.4 da Lei 1/1983, do 22 de febreiro, de normas reguladoras da Xunta e da súa Presidencia, co informe previo da Consellería de Facenda e logo da deliberación do Consello da Xunta de Galicia na súa reunión do día once de xaneiro de dous mil dezaoito,
DISPOÑO:
O artigo 11 do Decreto 37/2017, do 6 de abril, polo que se establece a estrutura orgánica da Consellería de Infraestruturas e Vivenda, queda modificado como segue:
Artigo 11. Funcións e estrutura
1. A Dirección Xeral de Mobilidade exercerá as funcións de impulso, xestión e coordinación das políticas atribuídas á Consellería nos ámbitos da planificación, financiamento e ordenación do transporte e, en particular, exercerá as seguintes:
a) A planificación, a coordinación e o seguimento da política xeral de transportes, e a execución dos servizos e das infraestruturas de transportes na Comunidade Autónoma.
b) A promoción da investigación sobre transporte, loxística e mobilidade, e o asesoramento ao departamento nestas materias.
c) O estudo e elaboración de proxectos normativos no ámbito das súas funcións.
d) A ordenación do transporte terrestre, por cable e marítimo no ámbito competencial da comunidade autónoma. No marco desta función, desenvolverá todas aquelas atribucións que lle estean conferidas polas disposicións vixentes na materia e, singularmente:
– O outorgamento das autorizacións habilitantes para o desenvolvemento da actividade de transporte, así como a emisión de informes preceptivos en relación cos indicados títulos habilitantes, consonte co establecido pola normativa sectorial.
– O outorgamento de autorizacións para a prestación de servizos de transporte público regular de viaxeiros/as.
– Acordar o establecemento ou creación de servizos regulares de transporte de persoas de uso xeral ou mixto, e aprobar os correspondentes...
Para continuar leyendo
Solicita tu prueba