DECRETO 9/2021, do 21 de xaneiro, polo que se suprime o Centro Informático para a Xestión Tributaria, Económico-Financeira e Contable (Cixtec) e se modifica o Decreto 252/2011, do 15 de decembro, polo que se crea a Axencia para a Modernización Tecnolóxica de Galicia e se aproban os seus estatutos.
Sección | I. Disposicións Xerais |
Emisor | Consellería de Facenda e Administración Pública |
Rango de Ley | Decreto |
A Lei 16/2010, do 15 de decembro, de organización e funcionamento da Administración xeral e do sector público autonómico de Galicia, autorizou na súa disposición adicional terceira a creación da Axencia para a Modernización Tecnolóxica de Galicia, como unha entidade pública instrumental adscrita á Presidencia da Xunta de Galicia e cuxos obxectivos básicos serían a definición, o desenvolvemento e a execución dos instrumentos de política da Xunta de Galicia no eido das tecnoloxías da información e comunicacións e a innovación e o desenvolvemento tecnolóxico. A mesma disposición adicional terceira estableceu a asunción por parte da Axencia dos medios persoais e materiais e das competencias que correspondían á Secretaría Xeral de Modernización e Innovación Tecnolóxica, que se suprimiría no intre de creación da Axencia.
Mediante o Decreto 252/2011, do 15 de decembro, polo que se crea a Axencia para a Modernización Tecnolóxica de Galicia e se aproban os seus estatutos, desenvolveuse a autorización antedita, creando a Axencia para a Modernización Tecnolóxica de Galicia e regulando tanto as súas competencias e funcións como a súa organización e estrutura, o réxime do seu persoal, o réxime económico-financeiro e patrimonial, así como os principios que a orientan na súa actuación.
Desde o obxectivo da eficiencia na prestación dos servizos públicos e a convicción da importancia estratéxica das tecnoloxías da información e a comunicación como elemento de crecemento económico e desenvolvemento social, xurdiu a necesidade de constituír unha entidade única de xestión das tecnoloxías da información e comunicación de carácter público, adscrita á Presidencia da Xunta de Galicia, que concentrase os recursos humanos, materiais e orzamentarios asociados ás diferentes estruturas TIC dispersas no sector público autonómico.
Con tal finalidade, a disposición adicional cuarta do Decreto 252/2011, do 15 de decembro, prevía como a Axencia asumiría progresivamente, de conformidade co Plan para a súa posta en marcha e para a integración dos servizos tecnolóxicos da Xunta de Galicia, aprobado polo Consello da Xunta de Galicia o 21 de xullo de 2011, e de acordo co disposto na disposición transitoria terceira do decreto, a prestación dos servizos en materia de tecnoloxías da información e comunicacións ás consellerías da Administración xeral da Comunidade Autónoma de Galicia e ás entidades públicas instrumentais do sector público autonómico. Ademais, a antedita disposición adicional cuarta estableceu a subrogación da Axencia en todas as relacións xurídicas, bens, dereitos e obrigas relativos ás competencias en materia tecnolóxica que a Amtega asumise das distintas consellerías e entidades públicas dela dependentes.
Así mesmo, a disposición transitoria terceira do decreto antedito recollía a adscrición progresiva á Amtega dos servizos, recursos económicos e persoal de tecnoloxías da información e comunicación das distintas consellerías e entidades públicas delas dependentes.
Doutra banda, a disposición adicional quinta da Lei 2/2017, do 8 de febreiro, de medidas fiscais, administrativas e de ordenación, autorizou a supresión do Centro Informático para a Xestión Tributaria, Económico-Financeira e Contable, cuxas funcións serían asumidas pola Axencia para a Modernización Tecnolóxica de Galicia. A mesma disposición adicional estableceu que a supresión do Centro Informático para a Xestión Tributaria, Económico-Financeira e Contable debía ter lugar mediante decreto do Consello da Xunta de Galicia, no cal se debía determinar o destino dos seus bens, dereitos e obrigas, así como as medidas aplicables ao persoal que estea prestando servizos no Centro. Ademais, para os efectos orzamentarios, a lei dispuxo como a supresión do ente implicaría a integración das partidas económicas e funcionais de gasto dos seus orzamentos nos orzamentos da Axencia.
O obxectivo fundamental desta norma é cumprir co sinalado nas disposicións anteriores e proceder á supresión do Centro Informático para a Xestión Tributaria, Económico-Financeira e Contable (Cixtec), establecendo a asunción das súas funcións pola Axencia para a Modernización Tecnolóxica de Galicia e regulando o destino dos seus bens, dereitos e obrigas, así como as medidas aplicables ao persoal funcionario e laboral que estea prestando servizos no ente extinto no momento da súa supresión.
A norma comporta unha modificación do Decreto 252/2011, do 15 de decembro, polo que se crea a Axencia para a Modernización Tecnolóxica de Galicia e se aproban os seus estatutos, co fin de adaptalo ás previsións contidas na disposición adicional primeira do Decreto 129/2020, do 17 de setembro, polo que se establecen os órganos superiores e de dirección da Presidencia da Xunta de Galicia, así como á vixente estrutura orgánica das vicepresidencias e das consellerías da Xunta de Galicia establecidas no Decreto 130/2020, do 17 de setembro, polo que se fixa a estrutura orgánica das vicepresidencias e das consellerías da Xunta de Galicia. Modifícanse tamén os estatutos da dita entidade, recollidos como anexo, para adaptar as súas competencias e estrutura ás novas funcións que a dita axencia pública autonómica asume coa supresión do Cixtec. Así mesmo, modifícase a denominación de distintas áreas e departamentos existentes na Amtega coa finalidade de adecualos á realidade social actual e aliñalos ao modelo de gobernanza que se establecerá a través da Estratexia dixital de Galicia.
Este decreto consta de dous artigos, dez disposicións adicionais, dúas disposicións transitorias, unha disposición derrogatoria, catro disposicións derradeiras e un anexo cos estatutos da Amtega.
No artigo 1, denominado Supresión do ente Centro Informático para a Xestión Tributaria, Económico-Financeira e Contable, suprímese o Cixtec.
No artigo 2, denominado Integración na Axencia para a Modernización Tecnolóxica de Galicia, establécese a asunción por parte da Axencia para a Modernización Tecnolóxica de Galicia das competencias e medios persoais e materiais que na actualidade lle corresponden ao Cixtec.
As disposicións adicionais deste decreto recollen as consecuencias da adscrición ou transferencia á Amtega dos recursos humanos, medios, servizos, bens e outros elementos con valoración económica do Cixtec no momento da supresión do dito ente. Así, determínanse tanto a subrogación xurídica da Axencia para a Modernización Tecnolóxica de Galicia na posición do Centro Informático para a Xestión Tributaria, Económico-Financeira e Contable coa valoración do custo efectivo dos medios que se traspasan, como a previsión da adscrición do persoal, así como a adscrición patrimonial dos bens patrimoniais e o patrimonio adscrito ao Cixtec.
Contén o texto do decreto dúas disposicións transitorias relativas a expedientes, obrigas, contratos e gastos iniciados e non rematados polo Cixtec na data de entrada en vigor deste decreto, relativos a materias de competencia da Axencia para a Modernización Tecnolóxica de Galicia, e ao réxime da adscrición do persoal laboral procedente do Cixtec.
Complétase o texto deste decreto cunha disposición derrogatoria e catro disposicións derradeiras. Na primeira, denominada Modificación do Decreto 252/2011, do 15 de decembro, polo que se crea a Axencia para a Modernización Tecnolóxica de Galicia e se aproban os seus estatutos, modifícanse os artigos 3 e 4, así como a disposición derradeira segunda e o anexo do Decreto 252/2011, do 15 de decembro, para adaptalos ás previsións contidas na disposición adicional primeira do Decreto 129/2020, do 17 de setembro, polo que se establecen os órganos superiores e de dirección dependentes da Presidencia da Xunta de Galicia, así como á vixente estrutura orgánica das vicepresidencias e das consellerías da Xunta de Galicia establecidas polo Decreto 130/2020, do 17 de setembro, polo que se fixa a estrutura orgánica das vicepresidencias e das consellerías da Xunta de Galicia. As restantes disposicións derradeiras regulan, respectivamente, as referencias normativas, a facultade da persoa titular da consellería con competencias en materia de facenda e Administración pública para ditar cantas disposicións sexan necesarias para o...
Para continuar leyendo
Solicita tu prueba