Decreto 160/2007, do 26 de xullo, polo que se aproban os estatutos do Colexio de Enxeñeiros Industriais de Galicia.
| Sección | III. Outras Disposicións |
| Emisor | CONSELLERÍA DE PRESIDENCIA, ADMINISTRACIÓNS PÚBLICAS E XUSTIZA |
| Rango de Ley | Decreto |
De acordo co establecido no artigo 150.2 da Constitución española, a Lei orgánica 16/1995, do 27 de decembro, de transferencia de competencias á Comunidade Autónoma galega, transfire no marco da lexislación básica do Estado, o desenvolvemento lexislativo e a execución en materia de corporacións de dereito público representativas de intereses económicos e profesionais, complementando así o ámbito competencial determinado no artigo 27.29º do Estatuto de autonomía de Galicia.
A transferencia en materia de colexios oficiais ou profesionais fíxose efectiva a través do Real decreto 1643/1996, do 5 de xullo, e asumiuse polo Decreto 337/1996, do 13 de setembro, da Xunta de Galicia.
A Lei 11/2001, do 18 de setembro, de colexios profesionais da Comunidade Autónoma de Galicia, ditada en virtude da citada competencia, dispón no seu artigo 16, en relación co 18, que os colexios profesionais gozarán de autonomía para a elaboración, aprobación e modificación dos seus estatutos, sen máis límites que os establecidos polo ordenamento xurídico.
Mediante o Decreto 70/2005, do 31 de marzo, aprobáronse os Estatutos do Colexio de Enxeñeiros Industriais de Galicia.
O Colexio de Enxeñeiros Industriais de Galicia, acordou, na asemblea xeral extraordinaria cque tivo lugar o 12 de maio de 2007, a aprobación dos novos estatutos de conformidade coa Lei 11/2001. Os devanditos estatutos foron comunicados á Conselleria de Presidencia, Administracións Públicas e Xustiza, para os efectos da súa aprobación definitiva, despois da cualificación de legalidade.
Tendo en conta o exposto, en virtude do uso da competencia que ten atribuída polo artigo 34.5 da Lei 1/1983, do 22 de febreiro, por proposta do conselleiro de Presidencia, Administracións Públicas e Xustiza, e logo de deliberación do Consello da Xunta de Galicia na súa reunión do día vinte e seis de xullo de dous mil sete,
DISPOÑO:
Aprobar, por seren adecuados á legalidade, os estatutos do Colexio de Enxeñeiros Industriais de Galicia, que figuran como anexo este decreto.
Disposición derrogatoria
Queda derrogado o Decreto 70/2005, do 31 de marzo, de aprobación dos Estatutos do Colexio de Enxeñeiros Industriais de Galicia.
Disposición derradeira
O presente decreto entrará en vigor aos vinte días da súa publicación no Diario Oficial de Galicia.
Santiago de Compostela, vinte e seis de xullo de dous mil sete.
Emilio Pérez Touriño
Presidente
José Luis Méndez Romeu
Conselleiro de Presidencia, Administracións Públicas e Xustiza
ANEXO
Estatutos do Colexio de Enxeñeiros Industriais
de Galicia
Indice
Capítulo I. Disposicións xerais.
Capítulo II. Fins, funcións e facultades do colexio.
Articulo 6. Fins e funcións do colexio.
Capítulo III. Colegiación. Dereitos e obrigas dos colexiados.
Articulo 12.Aceptación definitiva.
Capítulo IV. Organizacion xeral do colexio.
Capítulo V. Xuntas xerais.
Capítulo VI. Xunta de goberno
Capítulo VII. Sede central. Delegacións
Capítulo VIII. Eleccións.
Capítulo IX. Recursos economicos.
Capítulo X. Persoal contratado.
Capítulo XI. Réxime de distincións.
Capítulo XII. Réxime xurídico dos actos e da súa impugnación.
Capítulo XIII. Xurisdiccion disciplinaria.
Capítulo XIV. Modificacion dos estatutos. Disolucion do colexio.
Disposición final.
Capítulo I
Disposicións xerais
O Colexio Oficial de Enxeñeiros Industriais de Galicia constituíuse en cumprimento do Decreto 118/1949, do Ministerio de Industria e Comercio, segundo o establecido nos estatutos xerais dos colexios de enxeñeiros industriais, aprobados pola orde do mesmo ministerio do 6 de...
Para continuar leyendo
Solicita tu prueba