Decreto 137/2005, do 12 de maio, polo que se declara a urxente ocupación, para os efectos de expropiación forzosa, pola Deputación Provincial de Lugo, dos bens e dereitos necesarios para a realización da obra número 131 Plan de obras e servizos 2004 Paradela-estrada provincial de Pacios por Aldosende a Currelos. Alargamento e mellora do punto quilométrico 0,300 ao 0,900 (termo municipal de Paradela).
Sección | III. Outras Disposicións |
Emisor | CONSELLERÍA DE POLÍTICA TERRITORIAL, OBRAS PÚBLICAS E VIVENDA |
Rango de Ley | Decreto |
A Deputación Provincial de Lugo, en sesión celebrada o día vinte e catro de setembro de dous mil catro, aprobou o proxecto da obra nº 131 Plan de obras e servizos 2004 Paradela-estrada provincial de Pacios por Aldosende a Currelos. Alargamento e mellora do punto quilométrico 0,300 ao 0,900 e, na sesión do trinta e un de xaneiro de dous mil cinco, acordou solicitar da Xunta de Galicia a declaración de urxente ocupación dos bens e dereitos afectados pola expropiación forzosa ao abeiro do disposto no artigo 52 da Lei de expropiación forzosa.
Os bens en que se concreta a declaración de urxente ocupación están determinados no expediente que se someteu a información pública.
Que o dito expediente tivo entrada na Consellería de Xustiza, Interior e Administración Local e, solicitado informe á Dirección Xeral de Urbanismo da Consellería de Política Territorial, Obras Públicas e Vivenda, este foi emitido favorablemente.
Considérase necesaria a declaración de urxente ocupación dos bens e dereitos precisos para a realización das obras do proxecto técnico sinalado, xa que segundo sinala a deputación, as obras que se van realizar consisten no ensanche da plataforma e aumento do radio das curvas e mellora de rasante, dunha vía de comunicación que conta na actualidade con características de trazado moi restritivas en largo de calzada e visibilidade, dado o accidentado do terreo e a antigüedade da súa construción, o que afecta de maneira significativa á seguridade viaria tanto do tráfico rodado como peonil, que veñen experimentando un aumento notable como consecuencia do desenvolvemento da zona, polo que a actuación proxectada reduciría o risco potencial de accidentes de tráfico.
A competencia para a declaración da urxente ocupación correspóndelle ao Consello da Xunta de Galicia segundo o disposto nos artigos 27.2º e 28.2º do Estatuto de autonomía de Galicia.
Na súa virtude, por proposta do conselleiro de Xustiza, Interior e Administración Local, e logo de deliberación do Consello da Xunta de Galicia na súa reunión do día doce de...
Para continuar leyendo
Solicita tu prueba