Decreto 74/2004, do 25 de marzo, polo que se lle concede autorización ao Centro de Estudos Superiores Universitarios de Galicia, Cesuga, S.L.-University College Dublin, para implantar os estudos correspondentes ao título Bachelor of Architecture, conducente á obtención de títulos non homologados cos do sistema educativo español.
| Sección | III. Outras Disposicións |
| Emisor | CONSELLERÍA DE EDUCACIÓN E ORDENACIÓN UNIVERSITARIA |
| Rango de Ley | Decreto |
A Constitución española do 27 de decembro de 1978 (BOE do 29 de decembro), no seu artigo 27.6º, recoñécelles ás persoas físicas e xurídicas a liberdade de creación de centros docentes dentro do respecto aos principios constitucionais.
Polo que afecta os estudos universitarios, regúlase esta materia na Lei orgánica 6/2001, do 21 de decembro, de universidades, e no Real decreto 557/1991, do 12 de abril (BOE nº 95, do 20 de abril), desenvolvido pola Orde do 26 de maio de 1993 (BOE nº 130, do 1 de xuño).
No ámbito autonómico esta materia está regulada no Decreto 259/1994, do 29 de xullo (DOG do 16 de agosto), polo que se establece o procedemento para creación e recoñecemento de universidades, centros universitarios e autorizacións de estudos na Comunidade Autónoma de Galicia.
Polo Decreto 241/1995, do 28 de xullo (DOG do 18 de agosto), concedéuselle autorización á entidade promotora Centro de Estudos Superiores Universitarios de Galicia (Cesuga, S.L.), para implantar os estudos correspondentes ao título Bachelor of Commerce conforme o sistema vixente noutro país e conducente á obtención de títulos non homologados cos do sistema educativo español.
Polo Decreto 60/1997, do 14 de marzo (DOG do 25 de marzo), concedeuse autorización de establecemento en Galicia como centro estranxeiro universitario adscrito á Universidade de Dublín á sociedade de responsabilidade limitada, Centro de Estudos Superiores Universitarios de Galicia (Cesuga, S.L.), identificándose para todos os efectos o centro como Centro de Estudos Superiores Universitarios de Galicia, Cesuga, S.L.-University College Dublin.
Polas ordes do 17 de outubro de 1995 (DOG do 25 de outubro); do 5 de decembro de 1996 (DOG do 18 de decembro); do 9 de decembro de 1997 (DOG do 24 de decembro) e do 4 de novembro de 1998 (DOG do 27 de novembro), concedéuselle autorización ao citado centro para a efectiva impartición do 1º, 2º, 3º e 4º curso correspondentes ao Bachelor of Commerce.
Agora, con este decreto concédeselle autorización ao Centro de Estudos Superiores Universitarios de Galicia, Cesuga, S.L.-University College Dublin para implantar os estudos correspondentes ao título Bachelor of Architecture, conducente á obtención de títulos non homologados cos do sistema educativo español.
Para...
Para continuar leyendo
Solicita tu prueba