Decreto 65/2008, do 27 de marzo, polo que se establece a estrutura orgánica da Escola Galega de Administración Pública.
| Sección | I. Disposicións Xerais |
| Emisor | CONSELLERÍA DE PRESIDENCIA, ADMINISTRACIÓNS PÚBLICAS E XUSTIZA |
| Rango de Ley | Decreto |
Pola Lei 4/1987, do 27 de maio, modificada pola Lei 10/1989, do 10 de xullo, creouse a Escola Galega de Administración Pública como organismo autónomo de carácter administrativo adscrito á Consellería de Presidencia. Esta lei foi desenvolvida regulamentariamente mediante o Decreto 306/1990, do 24 de maio. Pola súa parte, para o cumprimento das súas funcións, por medio do Decreto 336/1990, do 8 de xuño, desenvolveuse a estrutura orgánica da Escola Galega de Administración Pública.
Non obstante, o exercicio práctico das competencias e das funcións atribuídas aos diferentes servizos da Escola aconsella modificar aquela estrutura distribuíndo as funcións dun xeito máis racional para así acadar a máxima eficacia no seu desenvolvemento. Así mesmo, dado o tempo transcorrido desde a entrada en vigor do Decreto 336/1990, é preciso acomodar a estrutura orgánica que nel se establece ás novas necesidades xurdidas co fin de atender mellor ás funcións e competencias atribuídas á Escola.
Así, mediante este decreto modifícase a dependencia de todos os servizos e unidades da Escola, que pasan a depender directamente do/da secretario/a xeral.
Defínense con maior precisión e detalle as funcións das diferentes unidades administrativas en que se organiza a Escola; así mesmo, inclúense como novas funcións do/da secretario/a xeral todas as relativas á organización e á xestión das recentes liñas de formación baseadas no uso das novas tecnoloxías e o desenvolvemento de proxectos formativos innovadores.
Por último, para o cumprimento dunha das misións fundacionais da Escola (a investigación e estudo no ámbito da Administración pública) existirá unha unidade de investigación social con categoría de subdirección xeral.
En consecuencia, por proposta do conselleiro de Presidencia, Administracións Públicas e Xustiza, tras o informe favorable da Consellería de Economía e Facenda, e logo de deliberación do Consello da Xunta de Galicia na súa reunión do día vinte e sete de marzo de dous mil oito,
DISPOÑO:
A Escola Galega de Administración Pública (EGAP) é un organismo autónomo de carácter administrativo, adscrito organicamente á Consellería de Presidencia, Administracións Públicas e Xustiza, que se estrutura nos dous seguintes órganos reitores cuxas funcións veñen reguladas na Lei 4/1987, do 27 de maio, de creación da EGAP, modificada pola Lei 10/1989, do 10 de xullo:
-
O Consello Reitor.
-
A Dirección.
Baixo a dependencia do/da director/a da EGAP haberá un/unha secretario/a xeral, con rango de subdirector/a xeral, ao/á que lle corresponden as seguintes atribucións:
-
Desempeñar a secretaría do Consello Reitor.
-
Preparar os anteproxectos do plan anual de actividades e a memoria anual sobre as actuacións da Escola, as contas e o borrador do anteproxecto do orzamento da entidade.
-
Xestionar, baixo a dirección do/da director/a, o plan anual de actividades e o orzamento.
-
Administrar e xestionar o patrimonio e os recursos económicos da Escola.
-
Xestionar e supervisar a contratación administrativa.
-
Levar a cabo o asesoramento xurídico e financeiro e os informes que lle solicite o/a director/a.
-
Dirixir e organizar o persoal ao servizo da Escola.
-
Xestionar os asuntos de réxime interior, rexistro, documentación administrativa, arquivo e inventario.
-
Supervisar a elaboración dos anteproxectos de disposicións, das instrucións, das circulares e dos procedementos de xestión.
-
Coordinar e inspeccionar os servizos e unidades da Escola e ditar as disposicións, as instrucións e as circulares de funcionamento e comunicación entre os diferentes servizos do organismo.
-
Propoñer, planificar e avaliar proxectos formativos innovadores dirixidos aos empregados públicos.
-
Avaliar a...
Para continuar leyendo
Solicita tu prueba