DECRETO 97/2014, do 24 de xullo, polo que se establece a estrutura orgánica do Instituto Galego da Vivenda e Solo.
| Sección | I. Disposicións Xerais |
| Emisor | CONSELLERÍA DE MEDIO AMBIENTE, TERRITORIO E INFRAESTRUTURAS |
| Rango de Ley | Decreto |
O Instituto Galego da Vivenda e Solo (en adiante, IGVS) foi creado pola Lei 3/1988, do 27 de abril, desenvolvida polo Decreto 288/1988, do 29 de setembro. Conforme o establecido na dita lei, ao IGVS correspóndelle a realización da política de vivenda e solo da Xunta de Galicia co fin de garantir os dereitos constitucionais a unha vivenda digna e adecuada, especialmente para os sectores con menos capacidade económica, e unha utilización do solo de acordo co interese xeral.
Coa publicación do Decreto 79/2009, do 19 de abril, que estableceu a estrutura orgánica da Xunta de Galicia, e do Decreto 83/2009, do 22 de abril, que fixaba a estrutura orgánica dos departamentos da Xunta de Galicia, o Instituto Galego da Vivenda e Solo quedou adscrito á Consellería de Medio Ambiente, Territorio e Infraestruturas como organismo autónomo. Posteriormente aprobouse o Decreto 317/2009, do 4 de xuño, de estrutura orgánica do IGVS, coa finalidade de adaptar a composición dos seus órganos non só á dependencia da nova consellería senón tamén á estrutura desta.
Cos cambios producidos na estrutura xeral da Xunta de Galicia coa publicación do Decreto 235/2012, do 5 de decembro, polo que se fixa a estrutura orgánica da Vicepresidencia e das consellerías da Xunta de Galicia, así como debido á propia evolución do organismo, é preciso aprobar un novo decreto de estrutura.
A modificación organizativa está orientada a reforzar e potenciar as liñas de actuación que o IGVS debe atender en materia de vivenda e solo nos momentos actuais, garantindo así o cumprimento dos fins para os que foi creado e permitindo ademais reducir sensiblemente a súa estrutura sen que iso supoña unha minoración da capacidade de xestión e atención á cidadanía.
Deste xeito, faise unha racionalización e concentración das funcións que debe desenvolver o organismo centrándoas nas áreas de edificación e desenvolvemento de solo, de xestión do propio patrimonio e de fomento das actuacións en materia de vivenda. A estrutura complétase cunha área destinada á xestión económica e orzamentaria, ademais da Secretaría Xeral e da Dirección Xeral.
De conformidade co exposto, por proposta do conselleiro de Medio Ambiente, Territorio e Infraestruturas, logo dos informes da Consellería de Facenda e da Vicepresidencia e Consellería de Presidencia, Administracións Públicas e Xustiza, e logo de deliberación do Consello da Xunta de Galicia na súa reunión do día vinte e catro de xullo de dous mil catorce,
DISPOÑO:
Título IÁmbito competencial e organización xeral do IGVS
O Instituto Galego da Vivenda e Solo (IGVS) é un organismo autónomo dos regulados na sección 2ª do capítulo II do título III da Lei 16/2010, do 17 de decembro, de organización e funcionamento da Administración xeral e do sector público autonómico de Galicia, adscrito á Consellería de Medio Ambiente, Territorio e Infraestruturas, ao cal lle corresponde a realización das políticas de vivenda e solo, coa finalidade de alcanzar os obxectivos previstos na Lei 3/1988, do 27 de abril, de creación do IGVS, e no marco dos principios reitores contidos no artigo 47 da Constitución española.
Para o desempeño das súas funcións, o IGVS terá a seguinte estrutura orgánica:
O/A presidente/a.
O Consello Reitor do IGVS.
A Dirección Xeral.
A Secretaría Xeral.
As direccións técnicas:
– A Dirección Técnica de Xestión do Patrimonio, Fianzas e Inspección.
– A Dirección Técnica de Solo, Edificación e Calidade.
– A Dirección Técnica de Xestión Económica e Orzamentos.
– A Dirección Técnica de Fomento.
As xefaturas territoriais.
As áreas provinciais.
Título IIÓrganos de goberno
-
Os órganos de goberno do Instituto Galego da Vivenda e Solo son:
-
A Presidencia.
-
O Consello Reitor.
-
-
Na designación dos/as titulares e membros dos órganos de goberno do Instituto Galego da Vivenda e Solo atenderase ao principio de presenza equilibrada entre mulleres e homes.
Sección 1ª A Presidencia
A Presidencia do Instituto Galego da Vivenda e Solo correspóndelle á persoa titular da consellería competente en materia de vivenda.
-
Corresponden á persoa titular da Presidencia as seguintes funcións:
-
A representación oficial do Instituto Galego da Vivenda e Solo.
-
A Presidencia do Consello Reitor, que desempeña todas as competencias que lle corresponden como presidente/a do órgano colexiado segundo o disposto neste decreto e no artigo 16 da Lei 16/2010, do 17 de decembro, de organización e funcionamento da Administración xeral e do sector público autonómico de Galicia.
-
-
A persoa titular da Presidencia poderá delegar aquelas funcións propias que considere oportunas e que sexan susceptibles de delegación, na persoa titular da Dirección Xeral.
-
No suposto de ausencia, vacante, enfermidade ou outro impedimento legal, a persoa titular da Dirección Xeral substituirá a persoa titular da Presidencia.
Sección 2ª O Consello Reitor
O Consello Reitor é o órgano colexiado de goberno do Instituto Galego da Vivenda e Solo.
-
O Consello Reitor está integrado pola Presidencia, Vicepresidencia, catro vogais e unha secretaría.
-
Os membros do Consello Reitor gardarán o debido sixilo respecto dos asuntos de que coñezan como membros deste órgano.
-
A Presidencia do Consello Reitor correspóndelle á persoa titular da Presidencia do IGVS.
-
Corresponden á persoa titular da Presidencia as seguintes atribucións:
-
Acordar a convocatoria das sesións ordinarias e extraordinarias e fixar a orde do día, tendo en conta, de ser o caso, as peticións dos demais membros formuladas con suficiente antelación.
-
Presidir as sesións, moderar o desenvolvemento dos debates e suspendelos por causas xustificadas.
-
Someter á aprobación do Consello da Xunta o anteproxecto de orzamentos do IGVS e, se é o caso, os seus plans e programas.
-
Visar as actas e certificados dos acordos do Consello Reitor.
-
Cantas outras atribucións sexan inherentes á Presidencia dun órgano colexiado ou calquera outra facultade que en relación coas materias de competencia se lle atribúan regulamentariamente.
A Vicepresidencia do Consello Reitor correspóndelle á persoa titular da Dirección Xeral do IGVS. Esta substituirá a persoa titular da Presidencia do Consello Reitor nos casos de vacante, ausencia, enfermidade ou outra causa legal.
-
Os/as vogais do Consello Reitor son nomeados e separados pola persoa titular da consellería competente en materia de vivenda.
-
Son vogais do Consello Reitor:
-
Dúas persoas representantes da consellería competente en materia de vivenda, designadas pola persoa titular daquela consellería, de entre os seus órganos superiores ou de dirección.
-
Unha persoa representante da consellería competente en materia administracións públicas, designada pola persoa titular daquela consellería, de entre os seus órganos superiores ou de dirección.
-
Unha persoa representante da consellería competente en materia de facenda, designada pola persoa titular daquela consellería, de entre os seus órganos superiores ou de dirección.
-
-
En caso de ausencia ou de enfermidade e, en xeral, cando concorra algunha causa xustificada, os/as vogais serán substituídos/as polos/as seus/súas respectivos/as suplentes, propostos/as pola mesma persoa ou entidade que designou os/as titulares.
-
A persoa que exerza a secretaría do Consello Reitor será nomeada polo propio consello por proposta da persoa titular da Dirección Xeral do IGVS.
Correspóndenlle ao Consello Reitor as seguintes atribucións:
-
A aprobación dos seus plans e programas de actuacións, por proposta da persoa titular da Dirección Xeral do IGVS.
-
A aprobación do anteproxecto de orzamentos do IGVS, presentado pola persoa titular da Dirección Xeral do IGVS.
-
O control da xestión do IGVS.
-
A constitución de comisións de estudo sobre aspectos específicos en materias da súa competencia e o deseño de plans de formación e divulgación no ámbito das competencias do IGVS.
-
A aprobación da proposta de creación de consorcios e sociedades anónimas ou de integración ou participación do IGVS nas xa constituídas, así como a aprobación da proposta de constitución de xerencias e de todo tipo de acordos coa iniciativa privada.
-
Cantos asuntos relacionados ca competencia do IGVS lle someta a persoa titular da Presidencia.
-
As demais que se lle atribúan na Lei 16/2010, do 17 de decembro, de organización e funcionamento da Administración xeral e do sector público autonómico de Galicia, neste decreto e noutras disposicións aplicables.
Título IIIEstrutura organizativa: servizos centrais e territoriais
Capítulo IA Dirección Xeral
12.1. A persoa titular da Dirección Xeral do IGVS é o seu órgano...
Para continuar leyendo
Solicita tu prueba