Decreto 5/2007, do 25 de xaneiro, polo que se modifica o Decreto 37/2006, do 2 de marzo, polo que se regula o nomeamento de persoal interino para o desempeño con carácter transitorio de prazas reservadas a funcionarios e a contratación temporal de persoal laboral da Xunta de Galicia.
Sección | I. Disposicións Xerais |
Emisor | CONSELLERÍA DE PRESIDENCIA, ADMINISTRACIÓNS PÚBLICAS E XUSTIZA |
Rango de Ley | Decreto |
No Decreto 37/2006, do 2 de marzo, regúlase o nomeamento de persoal interino para o desempeño con carácter transitorio de prazas reservadas a funcionarios e a contratación temporal de persoal laboral da Xunta de Galicia.
O Decreto 37/2006, do 2 de marzo, inclúe a contratación temporal das categorías de persoal laboral dos servizos de prevención e defensa contra incendios forestais e de persoal do plan Infoga. O baremo establecido no devandito decreto componse da nota de exame do último proceso selectivo, os servizos prestados na Xunta de Galicia e os chamamentos atendidos polas listas, todo isto referido á categoría en que esta inscrito o solicitante.
Debido á integración no ano 2007 do persoal de extinción de incendios das brigadas municipais nestas categorías, cómpre modificar o baremo aplicable
artellando un sistema en que se teña en conta a experiencia dos traballadores nos distintos concellos de Galicia.
Por último, prevese a posibilidade de encomendar a xestión destas listas á consellería competente en materia de incendios.
Visto na Mesa Xeral de Negociación e co informe favorable da Comisión de Persoal, na súa virtude, por proposta do conselleiro de Presidencia, Administracións Públicas e Xustiza, de acordo co ditame do Consello Consultivo de Galicia, e logo de deliberación do Consello da Xunta de Galicia na súa reunión do vinte e cinco de xaneiro de dous mil sete,
DISPOÑO:
Engádese o artigo 9.bis, que queda redactado do seguinte xeito:
Artigo 9.bis:
Para a elaboración das listas para a cobertura de postos reservados ás categorías de persoal laboral dos servizos de prevención e defensa contra incendios forestais e de persoal do Plan Infoga, o baremo será o seguinte:
a) Por servizos prestados:
1º Por cada mes completo de servizos prestados na Xunta de Galicia na mesma categoría: 0,45 puntos, ata un máximo de 40 puntos.
2º Por cada mes completo de servizos prestados en concellos e mancomunidades de municipios da...
Para continuar leyendo
Solicita tu prueba