DECRETO 204/2011, do 20 de outubro, polo que se aproba o cambio de titularidade da estrada provincial OU-1264, denominada Travesía de Bande, en prol do Concello de Bande.
| Sección | III. Outras Disposicións |
| Emisor | CONSELLERÍA DE MEDIO AMBIENTE, TERRITORIO E INFRAESTRUTURAS |
| Rango de Ley | Decreto |
Segundo o teor do previsto no artigo 5 da Lei 4/1994, do 14 de setembro, de estradas de Galicia, os cambios de titularidade das estradas incluídas nas redes dependentes da comunidade autónoma deberán ser aprobados por decreto da Xunta de Galicia, por proposta da consellería competente en materia de estradas e logo do acordo entre as administracións afectadas.
Por outra parte, a citada lei de estradas dispón no artigo 54 que as estradas autonómicas ou provinciais ou os treitos determinados delas en que a circulación adquira características urbanas se entregarán aos respectivos concellos. O expediente promoverase por proposta do concello ou da administración titular da estrada e será resolto polo Consello da Xunta de Galicia, por proposta da consellería competente en materia de estradas, logo de informe de ambos os organismos.
O Concello de Bande solicitou á Deputación Provincial de Ourense o cambio de titularidade da estrada provincial OU-1264, denominada Travesía de Bande.
Ao amparo das previsións legais, o Pleno da Corporación Provincial de Ourense acordou o cambio de titularidade en prol do Concello de Bande da seguinte estrada:
– OU-1264, denominada Travesía de Bande.
Polo exposto, consonte o previsto na Lei 4/1994, do 14 de setembro, de estradas de Galicia, despois do acordo entre as administracións afectadas, por proposta do conselleiro de Medio Ambiente, Territorio e Infraestruturas, logo de deliberación do Consello da Xunta de Galicia, na súa reunión do día vinte de outubro de dous mil once,
DISPOÑO:
Apróbase o cambio de titularidade en prol do Concello de Bande da seguinte estrada:
– OU-1264, denominada Travesía de Bande.
En aplicación do artigo 4 da Lei 4/1994, do 14 de setembro, de estradas de Galicia, as entidades locais, no marco das súas competencias e de acordo cos correspondentes plans de estradas, aprobarán a relación de estradas da súa titularidade. De acordo co exposto, o Concello de Bande deberá incorporar ao seu plan de estradas a vía a que se refire este...
Para continuar leyendo
Solicita tu prueba