Decreto 48/2007, do 15 de marzo, polo que se crea o Centro de Día de Maiores de Volta do Castro, no Concello de Santiago de Compostela (A Coruña).
Sección | III. Outras Disposicións |
Emisor | VICEPRESIDENCIA DA IGUALDADE E DO BENESTAR |
Rango de Ley | Decreto |
O artigo 27.23º do Estatuto de autonomía para Galicia, en concordancia co artigo 148.1º 20 da Constitución española, establece a competencia exclusiva da comunidade autónoma no ámbito da asistencia social.
En virtude desa atribución competencial, o Parlamento de Galicia aprobou a Lei 4/1993, do 14 de abril, de servizos sociais, pola que se ordenan e regulan os aspectos básicos dun sistema integrado de servizos sociais como servizo público da Comunidade Autónoma de Galicia, estruturado en dous niveis de atención, primaria e especializada.
A dita norma veu regular os servizos sociais de atención especializada dirixidos ao colectivo das persoas maiores, e establece determinados programas e equipamentos, entre os que figuran os centros de día, encamiñados a acadar a autonomía persoal e a integración social deste sector poboacional.
En desenvolvemento da lei, e co fin de garantir a axeitada prestación dos servizos, acreditar a calidade da atención e recoñecer os dereitos e deberes dos usuarios, aprobouse o Decreto 243/1995, do 28 de xullo, de autorización e acreditación de centros de servizos sociais. Esta disposición regula a obrigatoriedade de obter autorización administrativa previa para a creación ou modificación dos equipamentos sociais así como para o inicio ou cesamento das súas actividades, especificando os requisitos xerais que eles deben cumprir.
Neste senso, segundo o disposto no artigo 29 da Lei 4/1993, de servizos sociais e o artigo 6 do Decreto 243/1995, para a creación de centros de servizos sociais propios da Administración autonómica, será necesaria unha norma con rango de decreto.
En consecuencia, e por proposta do vicepresidente da Igualdade e do Benestar da Xunta de Galicia e logo de deliberación do Consello da Xunta de Galicia, na súa reunión do día quince de marzo de dous mil sete,
DISPOÑO:
Crear o Centro de Día de Maiores de Volta do Castro no Concello de Santiago de Compostela (A Coruña).
Disposicións derradeiras
Primeira.-Autorízase o vicepresidente da Igualdade e do Benestar para o desenvolvemento e execución deste decreto.
Segunda.-A presente disposición entrará en vigor o día seguinte ao da súa publicación no Diario Oficial de Galicia.
...
Para continuar leyendo
Solicita tu prueba