Decreto 1/2009, do 5 de xaneiro, de disolución do Parlamento de Galicia e de convocatoria de eleccións.
| Sección | I. Disposicións Xerais |
| Emisor | PRESIDENCIA |
| Rango de Ley | Decreto |
De acordo co previsto na Lei orgánica 1/1981, do 6 de abril, do Estatuto de autonomía de Galicia; na Lei 1/1983, do 22 de febreiro, de normas reguladoras da Xunta e da súa Presidencia, modificada pola Lei 11/1988, do 20 de outubro, pola Lei 12/1989, do 4 de outubro, pola Lei 7/2002, do 27 de decembro, pola Lei 2/2007, do 28 de marzo, e pola Lei 12/2007, do 27 de xullo; e na Lei 8/1985, do 13 de agosto, de eleccións ao Parlamento de Galicia, modificada pola Lei 15/1992, do 30 de decembro, e pola Lei 12/2004, do 7 de decembro, e logo de deliberación do Consello da Xunta de Galicia na súa reunión do día dezaoito de decembro de dous mil oito,
DISPOÑO:
Queda disolto o Parlamento de Galicia elixido o día dezanove de xuño de dous mil cinco.
Convócanse eleccións ao Parlamento de Galicia, que terán lugar o día un de marzo de dous mil nove.
En aplicación do artigo 9 da Lei 8/1985, do 13 de agosto, de eleccións ao Parlamento de Galicia, modificada pola Lei 15/1992, do 30 de decembro, e pola Lei 12/2004, do 7 de decembro, o número de deputados correspondente a cada circunscrición é o seguinte:
A Coruña: vinte e catro.
Lugo: quince.
Ourense: catorce.
Pontevedra: vinte e dous.
A campaña electoral durará quince días; comezará ás cero horas do venres día trece de febreiro de dous mil nove e finalizará ás vinte e catro horas do venres día vinte e sete de febreiro de dous mil nove.
Celebradas as eleccións convocadas por este decreto, a cámara resultante reunirase para a súa sesión constitutiva o día un de abril de dous mil nove, ás once horas.
As eleccións convocadas por este decreto rexeranse pola Lei orgánica 5/1985, do 19 de xuño, de réxime electoral xeral, modificada pola Lei orgánica 1/1987, do 2 de abril; Lei orgánica 8/1991, do 13 de marzo; Lei orgánica 6/1992, do 2 de novembro; Lei orgánica 13/1994, do 30 de marzo; Lei orgánica 3/1995, do 23 de marzo; Lei orgánica 10/1995, do 23 de novembro; Lei orgánica 1/1997, do 30 de maio; Lei orgánica 3/1998, do 15 de xuño; Lei orgánica 8/1999, do 21 de abril; Lei orgánica 6/2002, do 27 de xuño; Lei orgánica 1/2003, do 10 de marzo; Lei orgánica 16/2003, do 28 de...
Para continuar leyendo
Solicita tu prueba