Resolución do 28 de xaneiro de 2004, da Delegación Provincial da Coruña, pola que se dispón o rexistro, o depósito e a publicación, no Diario Oficial de Galicia, do convenio colectivo do Concello de Ribeira.
| Sección | III. Outras Disposicións |
| Emisor | CONSELLERÍA DE ASUNTOS SOCIAIS, EMPREGO E RELACIÓNS LABORAIS |
| Rango de Ley | Resolución |
Visto o expediente do convenio colectivo do Concello de Ribeira (código convenio 1504122) que tivo entrada nesta delegación provincial o día 16-6-2003, complementado o 26-1-2004, subscrito en representación da parte económica polo concello e da parte social polos delegados de persoal o día 26-3-2003, e ratificado polo Pleno da Corporación o 31-3-2003, de conformidade co disposto no artigo 90.2º e 3º do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial
ACORDA:
Primeiro.-Ordena-la súa inscrición no libro rexistro de convenios colectivos de traballo, que consta nesta delegación provincial, e notificación ás representacións económica e social da comisión negociadora.
Segundo.-Ordena-lo depósito do citado acordo no Servicio de Relacións Laborais, Sección de Mediación, Arbitraxe e Conciliación.
Terceiro.-Dispoñe-la súa publicación no Diario Oficial de Galicia.
A Coruña, 28 de xaneiro de 2004.
Elisa Madarro González
Delegada provincial da Coruña
I Convenio colectivo do persoal laboral do Concello de Ribeira (anos 2003-2005)
Mesa xeral de negociación
No Concello de Ribeira constituirase unha mesa xeral de negociación formada pola representación da entidade local e o comité de empresa nos termos que sinala a lexislación vixente, que será a encargada de negocia-la asunción do convenio colectivo na súa totalidade ou parcialmente e os futuros convenios.
Capítulo I
Disposicións xerais
Este convenio regula as relacións sociolaborais do persoal laboral e contratado que presta os seus servicios para o Concello de Ribeira.
Este convenio colectivo entrará en vigor o día 1 de xuño do ano 2003 abarcando o seu período de
vixencia dous anos, período que non obstante se entenderá prorrogado por anualidades, de non existir denuncia dalgunha das partes, ata a entrada en vigor dun novo convenio que substitúa o anterior trala oportuna negociación.
Ámbalas dúas partes conveñen que o convenio se considerará denunciado cando así se faga con tres meses de antelación á finalización da súa vixencia ou de calquera prórroga, co fin de inicia-las negociacións e deliberacións do novo convenio en data non posterior a un mes contado a partir da data de denuncia.
Nembargantes, ámbalas dúas partes conveñen que se negociará un novo convenio, a partir de setembro do 2004.
Este convenio regula e facilita o normal desenvolvemento das relacións de traballo do persoal laboral e contratado do Concello de Ribeira.
O convenio ten un carácter necesario e indivisible para tódolos efectos no sentido de que as condicións pactadas neste constitúen un todo orgánico e unitario e para os efectos da súa aplicación práctica serán consideradas globalmente.
As condicións económicas e salariais pactadas son compensables na súa totalidade coas que anteriormente rexesen por imperativo legal, sentencia xudicial, acordo ou pacto, usos e costumes locais ou por calquera outra causa.
Tendo en conta, polo tanto, a natureza do acordo, as disposicións legais futuras, incluídas as relativas a salarios interprofesionais, que impliquen variacións económicas en tódos ou nalgún dos conceptos retributivos pactados, só terán eficacia se, globalmente consideradas e sumadas ós conceptos retributivos vixentes con anterioridade a este acordo, superan o nivel total deste.
En caso contrario, considéranse absorbidas polas melloras pactadas. A comparación será anual e global.
Respectaranse as situacións persoais que, con carácter global, excedan do pactado, sempre que sexan consecuencia de sentencias xudiciais, acordos municipais debidamente motivados o calquera otra causa legal.
Con independencia da súa publicación no Diario Oficial de Galicia ou no BOP, a publicidade do devandito convenio efectuarase por conta do concello, enviando polo menos un exemplar a cada traballador/a.
Para examinar e resolver cantas cuestións deriven da interpretación, vixilancia, control e aplicación do convenio, a mesa negociadora deste designa, de entre os seus compoñentes signatarios, unha comisión mixta paritaria de control e seguimento do acordo, a cal estará formada por un representante por cada sindicato representado no comité de empresa e igual número de representantes da corporación.
Será presidente da comisión o alcalde ou, se é o caso, o concelleiro delegado de persoal ou concelleiro no que delegue a Alcaldía. O secretario desta será designado pola propia comisión de entre os representantes sindicais.
A comisión paritaria de control e seguimento terá as seguintes funcións:
-
Interpretación auténtica do texto do convenio, na súa aplicación práctica.
-
Informe sobre cantos asuntos e reclamacións para as partes solicitantes ou implicadas de cantos asuntos e reclamacións se sometan á súa decisión respecto a calquera das condicións establecidas no convenio.
-
Arbitraxe, mediación e conciliación no tratamento e solución das cuestións e conflictos de carácter colectivo que se sometan á súa consideración, se as partes discordantes o solicitan expresamente, e a comisión acepta a función arbitral, mediadora ou conciliadora.
-
Vixilancia do cumprimento colectivo e total do pactado no convenio segundo as oportunas recomendacións e interpretacións.
-
Denuncia do incumprimento do convenio.
-
Estudio da evolución das relacións entre as partes signatarias do convenio.
-
Emitir informes cando así lle sexa solicitado, en relación coas propostas de clasificación e valoración de postos de traballo antes da súa aprobación polos órganos competentes.
-
Cantas outras actividades tendan á maior eficacia práctica do convenio ou veñan establecidas no seu texto.
-
Calquera outra que, de se-lo caso, poida serlle atribuídas ó amparo de disposicións que no futuro se promulguen.
Deberase redactar unha orde do día con carácter previo ás súas reunións.
A comisión reunirase:
-
Con carácter ordinario, semestralmente o día que oportunamente se sinale.
-
Con carácter extraordinario cando o soliciten polo menos o 50% dos seus compoñentes.
-
As sesións da comisión paritaria celebraranse no domicilio desta, aínda que poderán efectuarse tamén en calquera outro lugar, tralo acordo dos voceiros, estando a asistencia a elas reservada ós membros e asesores correspondentes.
As convocatorias das diversas sesións da comisión paritaria serán realizadas polo secretario/a por orde do presidente, mediante citación por escrito na que conste lugar, data e hora, así como a orde do día, enviándose ás partes cunha antelación mínima de sete días hábiles respecto da data prevista de celebración, no caso de que convoque a sesión ordinaria, e dous días naturais para o caso de sesión...
Para continuar leyendo
Solicita tu prueba