Decreto 31/2004, do 22 de xaneiro, polo que se crea a Xunta Consultiva do Parque Natural do Monte Aloia.
Sección | III. Outras Disposicións |
Emisor | CONSELLERÍA DE MEDIO AMBIENTE |
Rango de Ley | Decreto |
A Lei 9/2001, do 21 de agosto, de conservación da natureza, establece no seu artigo 42 que nos parques naturais da Comunidade Autónoma deben existir unhas xuntas consultivas, coa finalidade de colaborar na xestión dos espacios naturais protexidos e canaliza-la participación, a través da súa función consultiva e asesora.
Na composición destas xuntas, ademais do presidente dela e do director do espacio protexido, deben estar representados os concellos, os propietarios e tódolos intereses sociais e económicos afectados.
Nos parques naturais da Comunidade Autónoma existía ata agora unha xunta rectora. Na súa composición procurarase integra-la representación dos distintos intereses existentes; así en todas elas estaban representados os distintos sectores da Administración, os grupos ecoloxistas, as universidades, os concellos e os propietarios dos terreos.
Aínda así, o paso do tempo fai conveniente que a creación das xuntas consultivas sirva ademais para adapta-las súas composicións á situación actual.
Na nova xunta consultiva estarán representados, polo menos, os distintos sectores da Administración autonómica, o concello que achega terreos ó parque natural, a universidade, os representantes dos propietarios privados que achegan terreos ó parque natural e as asociacións ecoloxistas e naturalistas de Galicia.
Por este motivo, créase esta xunta consultiva para colaborar coa Consellería de Medio Ambiente na xestión e administración do citado espacio protexido, prestándolle a asistencia necesaria para o mellor cumprimento das súas funcións.
En consecuencia, por proposta do conselleiro de Medio Ambiente e logo da deliberación do Consello
da Xunta de Galicia na súa reunión do día vintedous de xaneiro de dous mil catro,
DISPOÑO:
-
Créase a Xunta Consultiva do Parque Natural do Monte Aloia.
-
Esta xunta estará integrada polos seguintes membros:
Presidente: unha persoa de recoñecido prestixio e coñecedor do territorio incluído no parque. Será nomeado polo conselleiro de Medio Ambiente por proposta do director xeral de Conservación da Natureza.
Vicepresidente primeiro: o delegado provincial da Consellería de Medio Ambiente en Pontevedra.
Vicepresidente segundo: o alcalde do Concello de Tui, ou concelleiro en que delegue.
Vocais:
-O director do parque natural.
-Un representante da Dirección Xeral de Conservación da Natureza.
-O xefe do Servicio Provincial de Espacios Naturais e Biodiversidade.
-O xefe do Distrito...
Para continuar leyendo
Solicita tu prueba