Decreto 418/2003, do 20 de novembro, polo que se aproba o Programa estatístico anual da Comunidade Autónoma de Galicia para o 2004.
Sección | III. Outras Disposicións |
Emisor | CONSELLERÍA DE ECONOMÍA E FACENDA |
Rango de Ley | Decreto |
O Plan Galego de Estatística é, conforme o artigo 6 da Lei 9/1988, do 19 de xullo, de estatística de Galicia, o instrumento de ordenación e planificación da actividade estatística da Comunidade Autónoma de Galicia. Para o seu desenvolvemento e a súa execución o Consello da Xunta, por proposta do conselleiro de Economía e Facenda, aprobará un Programa estatístico que terá a vixencia dun ano natural conforme establece o artigo 9 de citada lei.
O obxecto deste decreto é aproba-lo Programa estatístico anual da Comunidade Autónoma de Galicia para o 2004, continuando a execución do Plan Galego de Estatística 2002-2006, aprobado pola Lei 10/2001, do 17 de setembro (DOG nº 188, do 27 de setembro), e que continúa así coa planificación iniciada co Plan Galego de Estatística 1998-2001.
En virtude de todo o anterior, de acordo co disposto no artigo 9 da citada Lei 9/1988, por proposta do conselleiro de Economía e Facenda, oído o Consello Galego de Estatística e logo de deliberación do Consello da Xunta de Galicia na súa reunión do día vinte de novembro de dous mil tres,
DISPOÑO:
Apróbase o Programa estatístico anual da Comunidade Autónoma de Galicia para o ano 2004. Este
programa está integrado polo conxunto das seguintes actividades estatísticas:
-
As que integran as metas de información do Plan Galego de Estatística 2002-2006 e que son recollidas no anexo I deste decreto.
-
Aquelas que darán cumprimento ós obxectivos das metas instrumentais do citado plan e que figuran no anexo II deste decreto.
As actividades estatísticas incluídas neste programa e que integran as metas de información están sometidas ás seguintes regras xerais:
-
A súa execución farase con criterios obxectivos e de conformidade cos principios científicos que aseguren a súa corrección técnica.
-
Manterán o segredo estatístico no que respecta a datos individuais utilizados nas ditas actividades.
-
As actividades estatísticas que non sexan responsabilidade do Instituto Galego de Estatística e cumpran os criterios establecidos no artigo 4º, serán homologadas por este.
-
Os resultados e productos estatísticos obtidos difundiranse adecuadamente.
As actividades estatísticas incluídas neste programa e que integran as metas de información están sometidas ás seguintes regras específicas:
-
Designarán o organismo responsable de executa-la actividade.
-
Determinarán as persoas físicas ou xurídicas e os entes de dereito público obrigados a subministra-la información requirida.
-
Establecerán o prazo no que os resultados estarán dispoñibles para a súa difusión.
-
Designarán o organismo obrigado a difundi-los resultados da actividade estatística.
-
Establecerán o orzamento estimado destinado á realización da actividade estatística.
As actividades estatísticas incluídas neste programa, que non son responsabilidade do Instituto Galego de Estatística, serán obxecto de homologación por parte deste cando:
-
Sexan de carácter xeral e especial interese para o sistema estatístico galego.
-
Sexan explotacións de datos procedentes de rexistros administrativos propios da Administración galega, de enquisas realizadas polo organismo responsable da actividade ou estatísticas de síntese.
Para a súa homologación, estas actividades deberán cumpri-los seguintes requisitos:
-
Con anterioridade á realización da actividade, deberá presentarse ó IGE para a súa aprobación, un proxecto técnico básico no que se recollan os principais aspectos metodolóxicos para a súa execución.
-
Con anterioridade á difusión dos resultados, deberá presentarse ó IGE para a súa aprobación, o contido previo da publicación.
De acordo co previsto no artigo 22 da Lei 10/2001, do 17 de setembro, os organismos e entidades responsables da execución das actividades estatísticas descritas anteriormente remitiranlle os resultados das ditas actividades ó IGE.
Este emitirá un informe sobre o grao de cumprimento das normas reguladoras aplicables ás actividades estatísticas citadas e, se o dito informe é favorable, aprobará os resultados e daralle conta da aprobación ó Consello Galego de Estatística.
Ademais, as actividades estatísticas que sexan obxecto de difusión están sometidas ás normas técnicas contidas na orde da Consellería da Presidencia e Administración Pública do 27 de novembro de 1998.
O IGE, como organismo responsable da elaboración do Plan Galego de Estatística e os programas estatísticos anuais, coordinará a execución do presente programa e levará a cabo cantas actuacións sexan necesarias no cumprimento do artigo 5 da Lei 10/2001, do 17 de setembro, do Plan Galego de Estatística 2002-2006.
Disposición adicional
As actividades estatísticas incluídas neste programa levaranse a efecto dentro das dispoñibilidades orzamentarias existentes no estado de gastos do orzamento da Comunidade Autónoma de Galicia para o 2004.
Disposicións derradeiras
Primeira.-Facúltase o titular da Consellería de Economía e Facenda para dictar cantas disposicións sexan necesarias para o desenvolvemento e execución desta norma.
Segunda.-Esta disposición entrará en vigor o día 1 de xaneiro de 2004.
Santiago de Compostela, vinte de novembro de dous mil tres.
Manuel Fraga Iribarne
Presidente
José Antonio Orza Fernández
Conselleiro de Economía e Facenda
ANEXO I
Actividades estatísticas recollidas na Lei 10/2001, do 17 de setembro, do Plan Galego de Estatística 2002-2006 e incluíddas no Programa estatístico anual da Comunidade Autónoma de Galicia para o 2004
-
Área de estatísticas demográficas.
1.0.1.
Nome: censo de poboación e vivenda 2001: explotación de resultados.
Organismo responsable: Instituto Galego de Estatística.
Obxectivo:
* Coñece-la estructura e características da poboación de Galicia.
* Coñece-lo número e características das vivendas galegas.
* Coñece-las características, estructura e tipoloxía dos fogares e familias galegas.
Grao de dificultade: moi complexo.
Custo estimado: extraordinario.
Dispoñibilidade: prazo medio.
1.0.2.
Nome: padrón municipal de habitantes: explotación estatística.
Organismo responsable: Instituto Galego de Estatística.
Obxectivo: coñece-las características básicas da poboación que se recollen no padrón municipal de habitantes a 1 de xaneiro de cada ano.
Grao de dificultade: sinxelo.
Custo estimado: moi baixo.
Dispoñibilidade: prazo curto.
1.0.3.
Nome: movemento natural da poboación.
Organismo responsable: Instituto Galego de Estatística.
Obxectivo: dispoñer de información actualizada sobre os nacementos, defuncións e matrimonios de residentes en Galicia así como a súa distribución segundo certas variables de interese.
Grao de dificultade: sinxelo.
Custo estimado: moi baixo.
Dispoñibilidade: prazo curto.
1.0.4.
Nome: movementos migratorios.
Organismo responsable: Instituto Galego de Estatística.
Obxectivo: coñece-lo número e as características das migracións que teñen por orixe ou destino algún concello galego.
Grao de dificultade: sinxelo.
Custo estimado: moi baixo.
Dispoñibilidade: prazo curto.
1.0.5.
Nome: proxeccións de poboación.
Organismo responsable: Instituto Galego de Estatística.
Obxectivo: estima-la distribución futura da poboación galega, formulando os escenarios máis probables de acordo coa análise da información demográfica dispoñible.
Grao de dificultade: complexo.
Custo estimado: baixo.
Dispoñibilidade: prazo medio.
1.0.6.
Nome: proxeccións de fogares.
Organismo responsable: Instituto Galego de Estatística.
Obxectivo: establece-las estimacións do número futuro de fogares e/ou familias atendendo a certas clasificacións básicas.
Grao de dificultade: moi complexo.
Custo estimado: baixo.
Dispoñibilidade: prazo longo.
1.0.7.
Nome: series demográficas.
Organismo responsable: Instituto Galego de Estatística.
Obxectivo: poñer á disposición dos usuarios un conxunto de series que reflictan a evolución no tempo dos distintos fenómenos demográficos clasificados segundo certas características de interese.
Grao de dificultade: sinxelo.
Custo estimado: moi baixo.
Dispoñibilidade: inmediata.
1.0.8.
Nome: indicadores demográficos.
Organismo responsable: Instituto Galego de Estatística.
Obxectivo: definir, elaborar e manter un sistema de indicadores demográficos que ofreza unha imaxe de síntese sobre a situación demográfica nos distintos ámbitos territoriais.
Grao de dificultade: sinxelo.
Custo estimado: moi baixo.
Dispoñibilidade: prazo curto.
-
Área de estatísticas sociais.
Sección 2.1. Estatísticas educativas.
2.1.1.
Nome: rexistro de centros.
Organismo responsable: Consellería de Educación e Ordenación Universitaria.
Obxectivo: coñece-la estructura e os datos identificativos dos centros de ensino de Galicia.
Grao de dificultade: sinxelo.
Custo estimado: moi baixo.
Dispoñibilidade: inmediata.
2.1.2.
Nome: datos estatísticos do ensino non universitario.
Organismo responsable: Consellería de Educación e Ordenación Universitaria.
Obxectivo: coñece-las características e a evolución do sistema educativo non universitario de Galicia.
Grao de dificultade: complexo.
Custo estimado: baixo.
Dispoñibilidade: prazo curto.
2.1.3.
Nome: datos estatísticos do sistema universitario.
Organismo responsable: Consellería de Educación e Ordenación Universitaria.
Obxectivo: coñece-las características e a evolución do sistema universitario de Galicia.
Grao de dificultade: complexo.
Custo estimado: moderado.
Dispoñibilidade: prazo curto.
2.1.4.
Nome: gasto público en educación.
Organismo responsable: Consellería de Educación e Ordenación Universitaria.
Obxectivo: coñece-los datos sobre o gasto público en educación.
Grao de dificultade: complexo.
Custo estimado: moi baixo.
Dispoñibilidade: prazo curto.
Sección 2.2. Estatísticas sanitarias.
2.2.1.
Nome: análise da mortalidade.
Organismo responsable: Consellería de Sanidade.
Obxectivo: obte-los datos de mortalidade de Galicia en número de casos e taxas por enfermidades e grupos de enfermidades.
...
Para continuar leyendo
Solicita tu prueba