Decreto 137/2004, do 17 de xuño, polo que se acordan as cesións en propiedade, a título gratuíto, dos predios 1.797 e 2.037, da zona de concentración parcelaria de Abegondo, Mabegondo, Cabanas, Cerneda, Viós (Abegondo).
| Sección | III. Outras Disposicións |
| Emisor | CONSELLERÍA DE POLÍTICA AGROALIMENTARIA E DESENVOLVEMENTO RURAL |
| Rango de Ley | Decreto |
O artigo 31.3º da Lei 12/2001, do 10 de setembro, de modificación da de concentración parcelaria para Galicia, sinala que a consellería competente en materia de agricultura está autorizada a exercer as funcións dominicais sobre o fondo de terras segundo o establecido na lexislación patrimonial, sen prexuízo do informe previo da Consellería de Economía e Facenda para os actos de disposición sobre bens inmobles.
O Concello de Abegondo solicitou a cesión en propiedade duns inmobles situados no seu termo municipal, os predios sobrantes nº 1.797 e 2.037 das zonas de concentración parcelaria de Abegondo, Mabegondo, Cabanas, Cerneda, Viós (Abegondo) que pertence á Comunidade Autónoma de Galicia en virtude do disposto no artigo 31 da Lei 10/1985, de concentración parcelaria para Galicia.
Por orde da Consellería de Política Agroalimentaria e Desenvolvemento Rural, do 5 de novembro de 2003 (DOG nº 229, do 25 de novembro) declarouse a alienabilidade dos anteditos inmobles.
A Secretaría Xeral da Consellería de Política Agroalimentaria e Desenvolvemento Rural, tramitou o expediente de cesión de acordo co previsto nos artigos 83 e seguintes do Regulamento que desenvolve a Lei 3/1985, do 12 de abril, do patrimonio da Comunidade Autónoma de Galicia.
Por todo o exposto, de conformidade coa proposta do conselleiro de Política Agroalimentaria e Desenvolvemento Rural e logo da deliberación do Consello da Xunta de Galicia, na súa reunión do día dezasete de xuño de dous mil catro,
DISPOÑO:
Acórdase a cesión en propiedade, a título gratuíto, a favor do Concello de Abegondo dos seguintes bens inmobles:
-
Predio nº 1.797 da zona de concentración parcelaria de Abegondo, Mabegondo, Cabanas, Cerneda, Viós, municipio de Abegondo, que ten unha superficie de 4.000 m, que estrema: norte, Santiago Vieiro Fachal (1.798-1-2); sur, Jesús Barros Botana (1.795) e Francisco Barros Vázquez (1.796); leste, Concello de Abegondo (1.794); oeste, camiño. Inscrito no Rexistro da Propiedade de Betanzos no tomo 1.687, libro 220, folio 110, predio nº 22.594.
-
Predio nº 2.037 da zona de concentración parcelaria de Abegondo, Mabegondo, Cabanas, Cerneda, Viós, municipio de Abegondo, que ten unha superficie de 1.500 m, que estrema: norte, camiño
que separa de José Meijide Amor (2.038); sur, camiño; leste, zona excluída; e oeste, camiño que separa a José Mª Etchevarría López (2.036). Inscrito no Rexistro da Propiedade de Betanzos no tomo 1.687, libro...
Para continuar leyendo
Solicita tu prueba